Tema: Pedagogikaliq pa`nlerdi oqitiw protsessi bir pu`tin dizim sipatinda Joba

Maqsetti ta`lim mazmunina ko`re belgilew. Oqitiwshi a`dette shinig`iwdin` maqsetin «Birinshi baptin` mazmunin o`zlestiriw», «Babur lirikasin u`yreniw» siyaqli belgileydi. Bunda ta`lim maqseti u`yrenilip atirg`an predmettin`, bilimnin` mazmunin ko`rsetedi. Maqset bunday sa`wlelengen ta`lim maqsetinde erisilgenligin aniqlap bolmaydi. Keltirilgen misallardag`i «maqsetler» nama`lim olardan maqsetke erisilgenligin o`lshep, aniqlap bolmaydi.

Ta`lim maqsetin oqitiwshi xizmeti arqali aniqlaw. «Baburdin` ko`rkemlik-pedagogikaliq miyrasin u`yretiw», «10 ishinde qosiw a`meline ta`n misallar isletiw». Maqsetin bunday qoyiwda itibar oqitiwshinin` xizmetine qaratiladi  Bunda ha`m pedagog xizmetinin` na`tiyjesin aniqlaw qiyin.

Ta`lim maqsetin talaba shaxsinin` ruxiy, aqiliy, a`dep-ikramliliq, estetikaliq protsessleri formasinda sa`wlelendiriw. Misali, «Waqiyaliqti taliqlaw ko`nlikpesin payda qiliw», «Ekologiyaliq qubilislarg`a qizig`iwin qa`liplestiriw» siyaqlilar. Ta`lim maqsetin bunday uliwma ta`rizde belgilew oqiw orni, oqiw pa`ni yag`niy bir topar oqiw predmetleri da`rejesine boliwi mu`mkin. Biraq ayrim shinig`iw, sabaqtin` maqsetin bunday ken` sa`wlelendiriw paydasiz. Bunda ha`m shinig`iwda qanday na`tiyjege erisilgenligin bilip bolmaydi.