Tema. Oqıtıw

Ekonomikalıq jaqtan rawajlanģan mámleketler (oqıtıwshı hám oqıwshılardıń qálewine qaray)
Tálim sisteması
Mektepke shekemgi tálim	Ulıwma orta tálim	Orta arnawlı tálim	Joqarı tálim
AQSh
Franciya
Gremaniya
Yaponiya
Qıtay
Aljir

VENN DIAGRAMMASİ
VENN DIAGRAMMASİ-2 hám 3 táreplerin hám de ulıwmalıq táreplerin salıstırıw yamasa qarama-qarsı qoyıw ushın qollanıladı.
Sistemalı pikirlew, salıstırıw, talqılaw kónlikpelerin rawajlandıradı.
Oqıwshılar:
1) kishi toparlarda Venn diagrammasın dúzedi hám kesilispeytuģın jerlerinde Bobur, Nawayı, Jomiy hám Davoniydiń ádep-ikram tárbiyasına baylanıslı pikirlerin túsinikli etip toltıradı.
2) juplarģa birlestiredi, ózleriniń diagrammaların salıstıradı hám tolıqtıradı.
3) aylananıń kesilisiwshi jerinde, ózleriniń eki aylana ushın ulıwma bolģan pikirler dizimin dúzedi.
4) jumıs nátiyjeleriniń prezentaciyası.





Lekciya-máslahat.
Maqseti:
-talabalarda soraw dúziw ushın kónlikpesin qáliplestiriw;
-onı ámeliyatta qollana alıw ushın materialdı ózlestiriw.
Bul metod temanı úyreniwde onıń ámeliy baģdarlanģanlıģı menen birligin támiyinleydi. Ol tómendegi variantlarda ámelge asırılıwı múmkin.
Soraw-juwaplar. Oqıtıwshı oqıw materialın bayan etedi (bunda lekciyanıń 50-70% waqtı sarıplanıwı múmkin), ol kórip shıģılıp atırģan teoriyalıq qaģıydalardıń ámeliyatta qollanıwına baylanıslı qatar nyuanslarģa ayrıqsha itibar qaratadı, qalģan waqıtta tıńlawshılardıń sorawlarına juwap beredi.
Soraw-juwaplar, pikirlesiw. Shınıģıwdan bir neshe kún burın oqıtıwshı talabalardı gezektegi ótiletuģın temanıń atı menen tanıstıradı hám olardan jazba túrde sorawlar jıynap baslaydı. Shınıģıwdıń birinshi bólimi temanıń tiykarģı táreplerin bayan etiw tárzinde ótkeriledi hám tıńlawshılardıń sorawlarına juwaplar beriledi. olardı rawajlandırıw hám tolıqtırıw arqalı oqıtıwshı materialdı bayan etedi. Shınıģıwdıń ekinshi bólimi usı mashqalaģa baylanıslı erkin pikir almasıw formasında ótedi hám tıńlawshılardıń qosımsha sorawlarına juwaplar beriledi. Juwmaqta lektor bildirilgen pikirlerden juwmaq shıģaradı.
Ayırım waqıtları, tıńlawshılardan júdá kóp sorawlar keledi yamasa ulıwma bolmawı da múmkin boladı. Bunıń sebeplerine tómendegiler kiredi:
1) úyrenilip atırģan materialdı ámeliyatta qollanıw tıńlawshılarda qıyınshılıq tuwdırmaydı; bunda ádettegi dástúriy lekciyanıń ózi jetkilikli;
2) taza tema, sonıń ushın tıńlawshılar hátteki onı ámeliyattı qollanıw processinde dus keletuģın qıyınshılıqlardı kóz aldına keltire almaydı.
3) tıńlawshılar kórip shıģılıp atırģan mashqalanıń tereńligi hám qıyınshılıģın jeterli dárejede bahalay almaydı, óz tájiriybelerine artıqsha baha beredi.
Jumıstaģı belsendilikti arttırıw ushın dástúrlestirilgen konsultaciyalardı qollanıw múmkin. Ol ádette toparlı konsultaciyalardan parqı, bunda lektordıq ózi tıńlawshılarģa sorawlar menen múrájat etedi.
Dáslep lektor tıńlawshılardan sorawlarģa juwap soraydı, keyin bolsa ol qáte juwaplardı talqılaydı.
Dástúrge aylanģan konsultaciya qaģıydasına kóre, lekciya hám lekciyalar cikli tamamlanģannan keyin ótkeriledi. Tıńlawshılar materialdı jaqsı ózlestiredi, olarda mashqalanı durıs sheshiw algoritmi qáliplesedi.
Dástúriy konsultaciyada hár bir qatnasıwshıda qızıģıwshılıqtı payda etiw ushın, qayta baylanıstan paydalanıw múmkin. Barlıq qatnasıwshılarģa soraw hám olardan biri durıs bolģan úsh bes juwap usınıs etiledi. Qashan lektor durıs juwaptı aytqanda ģana, qáte juwaptı aytqan tıńlawshılarda soraw payda boladı. lektor bunday jaģdayda durıs juwap bergen talabalardan óz juwapların túsindirip beriwin soraydı yamasa ózi sorawdı túsindirip beredi.