Tema: Merezdin’ ekilemshi da’wiri

Sifilitik alopeciya. Sifilitik alopeciyasinin’ mayda oshaqli, tarqalg’an (diffuz) ha’m aralas tu’rleri boladi. Mayda oshaqli sifiltik alopeciyasinda shash tu’sken tu’sken jer terisi o’zgermeydi, qabiqlanbaydi, shash kishi-kishi oshaq payda etip tu’sedi, shetindegi shash qol menen aqirin tartilsa julinip shig’adi, isiniw belgileri baqlanbaydi. Tarqalg’an (diffuz) alopeciyada bolsa bastag’I shashlar bir tegis tu’sedi. Saqal, qas, kirpiklerde tu’sip qaliwi mu’mkin. Ayirim nawqaslarda shashlari pu’tkilley tu’sip qaliwi mu’mkin.

Sifilitik leykoderma ko’binese merezdin’ ekilemshi recidiv da’wirinde ushirasadi. Ol aqshil daq ko’rinisinde bolip, nawqasta subyektiv belgiler bolmaydi. Ko’kirek moyin ha’m arqada, geyde iyin ha’m qollarda u’lkenligi noxattay yamasa onnan kishirek daqlardi ko’riw mu’mkin. Aq daqlar bir-biri menen qosilip, tor payda etkendey ko’rinedi. Leykoderma birneshe aydan son’ specifik emlew usillari o’tkerilmesede a’ste-aqirin jog’alip ketedi.

Merezdin’ ekilemshi da’wirinde ishki ag’zalar, nerv sistemasi ha’m ha’reket apparatinin’ ziyanlaniwiju’da kemnen kem ushirasadi ha’m payda bolg’an ozgerisler nawqas ushin qa’wip tuwdirmaydi. Nawqas geyde Botkin keselligin esletiwshi o’tkir gepatittin’ klinik ko’rinisin o’tkiziwi mu’mkin. Nawqaslardin’ bawiri u’lkeyedi, uslap ko’rgende awiradi, funkciyasi buziladi. Qara talaqta u’lkeyiwi mu’mkin. Ekilemshi merezde bu’yrektin’ ziyanlaniwi – proteinuriya, sifilitik lipoidli nefroz benen ju’zege shig’adi.

Paydalanilg’an a’debiyatlar: 1. S.Arifov, E.Eshboev ‘’Teri ha’m venerik kesellikler’’ 2017 2. w.w.w.kitob.uz 3. w.w.w.arxiv.uz