Тема: машины для измельчения и шелушения сыпучих пищевых продуктов

Juvali maydalash mashinalari

Juvali maydalash mashinalarti quyidagi xususiyatlari bo‘yicha farqlanadi:
- valik juftlari soniga ko‘ra - ikki valikli, uch valikli, to‘rt valikli, besh valikli, valikli rolikli;
- o‘lchamlari ga ko‘ra - valiklarning uzunligi va diametri;
- valiklarning ishchi yuzasiga ko‘ra - silliq, taram-taram (rifelli) va tishli.
Maydalash mashinalarining eng keng tarqalgan turi bu ikki valikli turli xil ishchi yuzalarga ega bo‘lgan maydalagichlar hisoblanadi. Bunday turdagi maydalagichlarning ishlash prinsipi kesish, bo‘lish va maydalashga asoslanadi. Har ikkala valik bir-biriga qarama-qarshi yo‘nalishda va har xil tezlikda harakatlanadi.
Ishchi tirqishning kengligini rostlash, shuningdek, valiklarning aylanish tezligi nisbatini tanlash hamda refellarning turli shakllarini qo‘llash orqali maydalashning turli darajalarini olish mumkin.
Ushbu mashinalarning avzalligi maydalanayotgan yirik shakldagi dastlabki mahsulotdan kukun miqdori kam bo‘lgan don shaklidagi oziq-ovqat mahsulotlarini olish imkoni mavjudligidadir.
Ularning kamchiliklari esa namligi 18% dan yuqorli bo‘lgan mahsulotlarni maydalashda valiklarning ishchi yuzalarida yog‘li va yopishqoq qatlam hosil bo‘lishidir.

Diskli maydalash mashinalari

Oziq-ovqat sanoatida diskli maydalash mashinalari bir bosqichli maydalash jarayonida xomashyoga bir necha ishchi organlarning o‘zaro ta'sirini ta'minlash zarur bo‘lgan hollarda qo‘llaniladi.
Umumiy tuzilishga ko‘ra diskli mashinalarni quyidagi to‘rt guruhga ajratish mumkin:
a) vertikal aylanuvchi o‘q va yuqorida joylashgan aylanuvchi disk;
b) vertikal aylanuvchi o‘q va pastda joylashgan aylanuvchi disk;
d) gorizontal aylanuvchi o‘q va biri qo‘zg‘almas, ikkinchisi esa aylanuvchi disk;
e) gorizontal aylanuvchi o‘q va bir-biriga qarab aylanuvchi ikki disk.
Hozirgi kunda ushbu mashinalarning disklari abraziv yoki metall materiallardan tayyorlanmoqda. Diskli mashinalardan oziq-ovqat konsentrati tayyorlashda, achitqi tayyorlashda hamda qandolat va go‘sht sanoatida keng foydalaniladi.