Tema: Java tiliniń ózine tánligi. Ápiwayı Java programması. Java programmasın jaratıw, kompilyaciyalaw hám orınlaw

Tema: Maǵlıwmatlar tipleri hám ámeller. Sanlı literallar. Sanlı tiplerdi keltiriw. Matematikalıq funkciyalar

Joba:

1. Sanlı maǵlıwmatlar tipleri hám ámeller

2. Sanlı literallar

3. Ańlatpalardı esaplaw hám ámeller (operatorlar) ústinligi (prioritet)

4. Inkrement hám dekrement operatorları

5. Sanlı tiplerdi keltiriw

6. Matematikalıq funkciyalar

Sanlı tipler
Hár bir maǵlıwmatlar tipi mánisler diapazonına (aralıǵına) iye. Kompilyator hár bir ózgeriwshi yamasa turaqlı (konstanta) ushın olardıń tipine qarap yadtan orın ajıratadı. Java sanlı mánisler, simvollar hám Boolean (logikalıq) mánisler ushın segiz ápiwayı maǵlıwmatlar tipleri menen támiynleydi. 4.1 tablicada altı túrli sanlar tipleri, olardıń diapazonları hám yadta iyeleytuǵın ólshemi keltirilgen.
Java pútin sanlar ushın byte, short, int hám long kibi tórt tipti isletedi. Ózgeriwshige qaysı biri sáykes kelse sonı saylaysız. Máselen eger siziń pútin sanıńız byte diapazonına sáykes keletuǵın bolsa byte tipinen paydalanǵanıńız maqul.
Java jıljımalı – noqatlı (haqıyqıy) sanlar ushın float hám double kibi eki tipti isletedi. double tipi float tipinen eki ese úlken, sonıń ushın eki ese kóbirek anıq boladı. Ádette, siz double tipinen paydalanǵanıńız maqul, sebebi ol float tipine qaraǵanda anıqlıǵı joqarı.
Sanlı maǵlıwmatlar tipleri

Atı	Diapazon (aralıǵı)	Saqlaw qurılmasında iyeleytuǵın ólshemi
byte	-27 (-128) den 27 – 1 (127) ge shekem	8 bit (belgisi menen)
short	-215 (-32768) den 215 – 1 (32767) ge shekem	16 bit (belgisi menen)
int	-231 (-2147483648) den 231 – 1 (2147483647) ge shekem	32 bit (belgisi menen)