Tema: Erte balalıq dáwiri Joba

3 jastaǵı páseyiw: 3 jasqa kelip bala ózin úlkenler menen salıstira baslaydı hám úlkenler qılıwı múmkin bolǵan olar isley alatuǵın háreketlerdi islewge umtiladı. ”Men úlken bolsam mashina aydayman”, ”Men sizge úlken tort alıp kelemen” , ”Meniń júz quwırshaǵım boladı” sıyaqlı qálewlerin óz tili menen aytadı hám kelesi zamanda sóylese de óziniń bárshe qálewlerin usı búgin ámelge asırıwǵa háreket qıladı.

Kóbinese bunday tuyǵı qırsiqlıq penen payda boladı. Bul qaysarlıq tiykarınan Balanıń úlkenlerge bildirgen jaman háreketlerinde payda boladı. Bala ózin mustaqıl háreket qıla alıwın ańlaǵan waqıttan baslap, onda “ózim isleymen” baslanadı hám bul qaysarlıq hám qırsiq tárizde kórinedi.

3 jastaǵı krizis bala shaxsınıń belgili bir dárejede rawajlanǵanlıǵı hám úlkenler isleytuǵın háreketlerdi qıla almay atırǵanlıǵın ańlawı natiyjesi esaplanadı. Krizis dáwirinde júzege keletuǵın kúsh, qábiliet hám basqa bir qansha qásiyetler onı shaxs bolıp qáliplesiwine tayarlaydi.