Тема: Анатомия панинин классификациясы рауажланыу тарийхы хам уйрениу методы

Arqa topar bulshıq etler

Baltırdıń arqa tárepindegi bulshıq etlerge ush baslı bulshıq et jatadı. Bul bulshıq ettiń kólemi ádewir úlken bolıp, baltırdıń ózine tán dóngelengen kórinisin payda etedi. Ush baslı bulshıq et tómendegi eki bólek-bólek bulshıq etinen payda bolǵan.

1. 
   Baltır bulshıq eti, san súyeginiń medial hám laterial bóksesinen baslanıp, taban súyeginiń tompaǵına jabısadı. Xızmeti baltırdı hám ayaq pánjesin búgedi.
   
2. 
   Kambala tárizli bulshıq et, kishi baltır súyeginiń basshasınan, úlken baltır súyeginiń joqarǵı úshten bir bóliminiń arqa júzinen baslanıp, taban súyeginiń tompaǵına birigedi. Jalpaq, jaqsı rawajlanǵan bulshıq et bolıp sırtqı kórinisi kambal balıǵın esletedi. Bul bulshıq et ayaq pánjesin búgedi sırtqa buradı.
   
3. 
   Taban bulshıq eti, san súyegi joqarı ushınıń arqasınan taqım júzinen baslanıp, taban súyeginiń tompaǵına jabısadı. Xızmeti dize buwını búgilgende buwın kapsulasın tartadı.
   

28 - súwret. Baltır bulshıq etleri.

Aldı tárepinen kórinis: 1-uzın, kishi baltır bulshıq eti; 2-baltır bulshıq etiniń medial bası; 3-aldınǵı táreptegi, úlken baltır bulshıq eti; 4-kambala tárizli bulshıq et; 5-kishi baltırdıń kelte bulshıq eti; 6-barmaqlardı jazıwshılardıń joqarǵı tutqıshı; 7- barmaqlarlardı jazıwshılardıń ortanǵı tutqıshı; 8-aldınǵı táreptegi úlken baltır bulshıq etiniń sińiri; 9-barmaqlardı jazıwshılardıń tómengi tutqıshı.
Arqa tárepinen kórinis: 1-taqım astı bulshıq eti; 2-kambala tárizli bulshıq et; 3- arqa táreptegi úlken baltır bulshıq eti; 4-kishi baltırdıń uzın bulshıq eti; 5-barmaqlardı búgiwshi uzın bulshıq etler; 6-bas barmaqtı búgiwshi uzın bulshıq et; 7-kishi baltırdıń kelte bulshıq eti; 8- búgiwshilerdiń tutqıshı; 9- uzın hám qısqa kishi baltır bulshıqetleriniń joqarıdaǵı tutqıshı.

4. 
   Taqım bulshıq eti, san súyeginiń laterial bóksesinen hám dize buwınınıń kapsulasınan baslanıp, úlken baltır súyeginiń joqarǵı ushınıń arqa júzine (taqım júzine) birigedi. Xızmeti baltırdı búgedi hám ishkerige buradı.
   
5.