Тема: Анатомия панинин классификациясы рауажланыу тарийхы хам уйрениу методы

Sannıń eki baslı bulshıq eti, otırǵısh súyeginiń tompagınan baslanıp, kishi baltır súyeginiń basshasına birigedi. Xızmeti, sandı jazadı, baltırdı búgedi hám sırtqa buradı.

Yarım sińir bulshıq et, otırgısh súyeginiń gedir-budırlıǵınan baslanıp, úlken baltır súyeginiń gedir-budırlıǵına birigedi. Funktsiyası sandı jazadı, baltırdı búgedi, búgilgen baltırdı ishkerige buradı.

Yarım perde bulshıq et, otırǵısh súyegi gedir-budırlıǵınan baslanıp, dize

qaqpaǵınıń fastsiyasına birigedi. Xızmeti sandı jazadı, baltırdı búgedi hám ishkerige buradı.

Baltır bulshıq etleri

Baltırda jaylasqan bulshıq etler ush toparǵa bólinip úyreniledi.

1. 
   aldınǵı topar.
   
2. 
   laterial (qaptal) topar.
   
3. 
   hám arqa topar baltır bulshıq etleri.
   

Baltır bulshıq etleriniń xızmeti tiykarınan ayaq pánjesin háreketke keltiriw, deneniń tik turıwın támiyinlewden ibarat.

Aldınǵı topar bulshıq etler

1. 
   Ulken baltırdıń aldınǵı bulshıq eti, úlken baltır súyeginiń juwanlasqan joqarı ushınıń laterial júzinen baslanıp, ortadaǵı sına tárizli súyekke hám I taban súyektiń tiykarına birigedi. Xızmeti ayaq pánjesin jazadı, pánjeniń medial shetin tuwrı kóteredi.
   
2. 
   Barmaqlardı jazatuǵın uzın bulshıq et, úlken baltır súyeginiń laterial bókseshesinen, súyeklerara perdeden, kishi baltır súyeginiń joqarı ushınıń aldı tárepinen baslanıp, III-V barmaqlardıń dorsal júzine jabısadı. Xızmeti pánjeni jazadı hám onıń laterial shetin tuwrı kóteredi, belgili dárejede barmaqlarında jazadı.
   
3. 
   Bas barmaqtı jazatuǵın uzın bulshıq et, kishi baltır súyeginiń medial júzinen, súyeklerara perdeden baslanıp bas barmaqtıń II falangasına belgili dárejede I falangasına jabısadı. Xızmeti pánjeni jazadı, pánjeniń medial shetin kóteredi.