Тема: Анатомия панинин классификациясы рауажланыу тарийхы хам уйрениу методы

Kórsetkish barmaqtı jazıwshi bulshıq et, shıǵanaq súyeginiń tómengi úshten bir bóliminiń arqa tusınan baslanıp, pánjeni jazıwshı bulshıq etlerdiń kórsetkish barmaqqa baǵdarlanǵan sińirine shıǵanaq súyegi tárepten kelip birigedi. Qısqarǵanda kórsetkish barmaqtı jazadı.

Qol pánjesi bulshıq etleri

Qol pánjeresiniń arqa tárepinde súyeklerdiń arasındaǵı bulshıq etlerden basqa hesh qanday bulshıq et bolmaydı. Qol pánjesiniń bulshıq etleri pánjesiniń tek alaqan tárepinde jaylasqan. Alaqan bulshıq etlerin, úsh toparǵa bóliw múmkin.


26-súwret. Pánje bulshıq etleri sińirleriniń sinovial qını (alaqan tárepi). 1-pánjeniń búgiwshi shıǵanaq bulshıq eti sińiriniń qını; 2-barmaqlardı búgiwshi tereńde jaylasqan bulshıq etlerdiń sińiri; 3-barmaqlardı búgiwshi ústirtin jaylasqan bulshıq etlerdiń sińiri; 4- búgiwshi bulshıq etlerdiń sińirleri tutqıshı; 5-búgiwshi bulshıq etlerdiń sińirleriniń ulıwma sinovial qını; 6-sawsaqlardıń sińirleriniń fibroz qını; 7-sawsaqlardı búgiwshi bulshıq etlerdiń sińirleriniń sinovial qını; 8-bas barmaqtı búgiwshi uzın bulshıq et sińiriniń sinovial qını; 9- bas barmaqtı qarama – qarsı qoyıwshı uzın bulshıq ettiń sińiri; 10-pánjeniń búgiwshi bilek bulshıq etiniń sinovial qını.

Bulardan eki toparı bas barmaq hám shunatay barmaq tárepte jaylasqan bolıp, bilek súyegi tárepte jaylasqanı bas barmaq tompaǵın-tenardı, shıǵanaq súyegi táreptegileri shunatay tompaǵın–gipotenardı payda etedi. Bul eki tompaq aralıǵında alaqan shuqırlıǵı bilinip turadı. Qol pánjesi bulshıq etleri tek adamda jaqsı rawajlanǵan bolıp, mayda jumıslardı orınlawǵa iykemlesken. Ásirese adamda bas barmaqtıń bulshıq etleri jaqsı qáliplesken. Bunıń aqıbetinde adam bas barmaǵın basqa barmaqlarına qarsı qoyıwı erkin iske asadı. Pánje hám barmaqlardıń erkin háreketi tek pánje bulshıqetlerine emes sonday-aq bilekte jaylasqan bulshıq etlerdiń rawajlanıwınada baylanıslı.

Tenar bulshıq etleri

1. 
   Bas barmaqtı uzaqlastırıwshı bulshıq et.
   
2. 
   Bas barmaqtı búgetuǵın kelte bulshıq et.
   
3. 
   Bas barmaqtı qarama-qarsı qılıwshı bulshıq et.
   
4. 
   Bas barmaqtı jaqınlastıratuǵın bulshıq et.