Тема: Анатомия панинин классификациясы рауажланыу тарийхы хам уйрениу методы

Qol bulshıq etleri

Qol bulshıq etleri miynet aǵzası sıpatında xızmet qılatuǵın qoldıń háreketin táminleydi.
Qol bulshıq etleri iyin bulshıq etlerine hám qoldıń erkin jaylasqan bóliminiń bulshıq etlerine bólinedi. Qoldıń erkin jaylasqan bóliminiń bulshıq etleri óz gezeginde bilek hám pánje bulshıq etleri bolıp ajıraladı.

Iyin beldewi bulshıq etleri

Bul bulshıq etler iyin buwını átirapında jaylasqan bolıp, iyin buwının háreketke keltiredi.

1. 
   Delta tarizli bulshıq et, omıraw súyeginiń akromial ushınan ham akromial ósiginen baslanıp, iyin súyeginiń usı bulshıq et atamasındaǵı gedir- budırlıǵına birigedi. Qısqarǵanda qol deneden uzaqlasadı, iyin barabarında kóteriledi.
   
2. 
   Gúrek qırı ústi bulshıq eti, úshmúyeshlik kórinisine iye bolıp qır ústi shuqırshasın toltırıp turadı. Gúrektiń arqa tárepinen baslanıp iyin súyeginiń úlken gedirligine jabısadı. Delta tárizli bulshıq etke sinergist esaplanadı.
   
3. 
   Kishi domalaq bulshıq et, gúrektiń laterial qırınan baslanıp iyin súyeginiń úlken gedirligine jabısadı. Qısqarǵanda iyin súyegin supinatsiya qıladı.
   
4. 
   Gúrek astı bulshıq eti, gúrek astı oyıqshasınan baslanıp, iyin buwını kapsulasına birigedi qısqarǵanda iyin súyegin ishkerige buradı.
   
5. 
   Úlken domalaq bulshıq et, gúrektiń tómengi múyeshiniń arqa tárepinen baslanıp, iyin súyeginiń kishi gedirligine birigedi, qısqarǵanda qoldı tómenge tartadı, ishke buradı denege jaqınlastıradı.
   

Iyin bulshıq etleri

Iyin bulshıq etleri aldınǵı hám arqa táreptegi toparlarǵa bólinedi.

Iyinniń aldınǵı tárepindegi bulshıq etleri

1. 
   Iyinniń eki baslı bulshıq eti, uzın bası gúrektiń buwın ústi gedirliginen kelte bası gúrektiń tumsıq tárizli ósiginen baslanıp bilek fastsiyasına jabısadı. Qısqarǵanda bilekti búgedi, supinatsiyalaydı.
   
2. 
   Iyin bulshıq eti, iyin súyeginiń aldınǵı tárepinen baslanıp shıǵanaq súyeginiń gedirligine jabısadı. Qısqarǵanda bilekti shıǵanaq buwınında búgedi.
   
3. 
   Tumsıq tárizli ósikten iyinge baratuǵın bulshıq et, gúrek súyeginiń tumsıq tárizli ósiginen baslanıp, iyin súyeginiń medial júzine birigedi. Qısqarǵanda iyindi kóteredi hám denege jaqınlastıradı.