Тема: Анатомия панинин классификациясы рауажланыу тарийхы хам уйрениу методы

24-súwret. İyın beldewi hám iyin aldı bulshıq etleri.

1. 
   gúrek astı bulshıq eti; 2-iyinniń úsh baslı bulshıq etiniń uzın basshası; 3-úsh tárepli tesik; 4-úlken domalaq bulshıq et; 5-tumsıq – iyin bulshıq eti; 6-iyinniń úsh baslı bulshıq eti; 7-iyin bulshıq eti; 8-iyinniń eki baslı bulshıq eti; 9-kókirektiń úlken bulshıq eti; 10-delta tárizli bulshıq et; 11-kókirektiń kishi bulshıq eti.
   

Iyinniń arqa tárepindegi bulshıq etler

1. 
   Iyinniń úsh baslı bulshıq eti, uzın bası gúrek súyegindegi gedirlikten, medial ishki bası iyin súyeginiń arqa júzinen, laterial qaptal bası iyin súyeginiń arqa júzinen baslanıp shıǵanaq súyeginde olekranonǵa hám buwın kapsulasına jabısadı. Qısqarǵanda bilekti shıǵanaq buwınında jazadı, eki baslı bulshıq etke hám iyin bulshıq etlerine antogonist esaplanadı.
   
2. 
   Shıǵanaq bulshıq eti, iyin súyeginiń qaptal bóksesinen baslanıp, shıǵanaq súyeginiń arqa júzine jóqarı bólimine jabısadı. Qısqarǵanda shıǵanaq buwının jazadı.
   

25-súwret. Bilek bulshıq etleri.

1-pánjeni búgiwshi ústirtin jaylasqan bulshıq et; 2- pánjeni shıǵanaq tárepke búgiwshi bulshıq et; 3- pánjeni bilek tárepke búgiwshi bulshıq ettiń sińiri; 4- kvadrat pronator; 5-bas barmaqtı alıp qashıwshı uzın bulshıq ettiń sińiri; 6-bas barmaqtı búgiwshi uzın bulshıq et; 7-iyin-bilek bulshıqeti; 8-supinator

Bilek bulshıq etleri

Bilek bulshıq etleri jaylasıwına qaray úsh toparǵa: aldınǵı, arqa hám qaptal toparlar bolıp bólinedi.
Bilektiń aldınǵı topar bulshıq etleri alaqandı hám pánjeni búgiwde qatnassa, arqa hám laterial topar bulshıq etlerge tiykarınan jazdıratuǵın bulshıq etler jatadı.

Bilektiń aldınǵı topar bulshıq etleri

1. 
   Domalaq pronator, iyin súyeginiń medial bóksesinen shıǵanaq súyeginiń gedirliginen baslanıp, bilek súyeginiń laterial shetine birigedi. Qısqarǵanda bilekti pronatsiya qıladı. (ishkerige buradı) hám búgedi.
   
2.