Тема: Анатомия панинин классификациясы рауажланыу тарийхы хам уйрениу методы

Arqanıń ústirtin jaylasqan bulshıq etleri

1. 
   Trapetsiya tárizli bulshıq et-eńse súyeginiń átirapınan barlıq kókirek omırtqalarınıń qırlarınan, ósimtelerinen baslanıp omıraw súyeginiń akromial ósigine jabısadı. Qısqarǵanda gúrekte hár túrli háreketler payda boladı.
   
2. 
   Arqanıń keń bulshıq eti-tómengi tórt kókirek, hámme bel hám segiz kóz omırtqalarınıń ótkir ósimtesinen, janbas súyektiń sırtqı qırınan hám tómengi tórtinshi qabırǵanıń múyeshinen baslanıp, iyin súyegine jabısadı. Gúrektiń tómengi múyeshine tutasadı. Qısqarǵanda qoldı arqaǵa hám tómenge tartadı.
   
3. 
   Romb tárizli bulshıq etler. Tómengi eki moyın, joqarǵı tórt kókirek omırtqalarınıń ótkir ósimtelerinen baslanıp. Gúrektiń medial shetine birigedi, qısqarǵanda gúrekti omırtqa baǵanasına jaqınlastıradı hám joqarıǵa tartadı.
   
4. 
   Gúrekti kóteriwshi bulshıq et. Joqarıdaǵı tórt moyın omırtqasınıń kese ósimtesinen. baslanıp: Gúrektiń joqarǵı múyeshine birigedi. Trapetsiya tárizli bulshıq ettiń astında jatadı qısqarǵanda gúrekti joqarıǵa tartadı.
   
5. 
   Qabırǵaǵa jabısıwshı bulshıq etler (ekew boladı).
   

1. 
   Arqanıń joqarǵı tisli bulshıq eti, baslanıwı eki moyın hám joqarǵı eki kókirek omırtqalarınıń qırlarınan, baslanadı: Joqarǵı eki qabırǵanıń arqa táreplerine birigedi, qısqarǵanda qabırǵalardı kóteredi.
   
2. 
   Arqannıń tómengi tisli bulshıq eti. Tómengi 2 kókirek joqarıdan, 2-bel omırtqaları tusınan baslanıp, 9-12 qabırǵalardıń arqa júzine jabısadı.
   

Bul bulshıq et qısqarǵanda tómengi qabırǵalardı tómenge tartadı.

20-súwret. Jawırınnıń ústirtin jaylasqan bulshıq etleri.

1. 
   tós - omıraw-emizik tárizli bulshıq et; 2-bastıń belbew bulshıq eti; 3-trapetsiya tárizli bulshıq et; 4-deltatárizli bulshıq et; 5-iyinniń kósher astı bulshıq eti; 6-kósher astı fastsiyası; 7-kishi domalaq bulshıq et; 8-úlken domalaq bulshıq et; 9-úlken romb tárizli bulshıq et; 10-iyinniń úsh baslı bulshıq eti; 11-jawırınnıń keń bulshıq eti; 12-kókirek- beldeme fastsiyası; 13-qarınnıń sırtqı qıya bulshıq eti; 14-qarınnıń ishki qıya bulshıq eti