Tema : Ta’jreybeden aldin a’sbaplardi jiynaw ha’m idislardi juwiwdin’ ta’rtip qag’iydalari

Mikrokristalloskopik reaksiyalar. Mikrokristalloskopik reaksiyani shiysha plastinkalarda o’tkeriw mu’mkin. Bunin’ ushin tekseriletug’in eritpeden kapillyar yaki pipetke ja’rdeminde bir neshe tamshi shiysha plastinkag’a tamiziladi. Onin’ qasina 1 – 2 tamshi reagent tamizilip, eki eritpe shiysha tayaqsha ja’rdeminde a’ste qosiladi. Na’tiyjede payda bolg’an kristallar mikroskop astinda gu’zetilip, tiyisli juwmaq shig’ariladi. Probirkada o’tkeriletug’in reaksiyalardi orinlaw (ho’l usil) ushin probirkag’a tekseriletug’in eritpeden 2-3 tamshi ha’m 3-4 tamshi reagent, a’ru’r jag’daylarda basqa zat eritpesinen de 1-2 tamshi qosiladi. 1-2 minut o’tkennen son’ reaksiya n’tiyjesin gu’zetiw mu’kin. Reaksiya sho’kpe payda boliwi menen keshse,onda payda bolg’an sho’kenin’ qa’siyetleri u’yreniledi.Bunin’ ushin bolsa, sho’kpe u’stindegi eritpesi menen bir neshe probirkeg’a bo’lip salinadi. Sho’kpege ku’shsiz kislota, ku’shki kislota, silti, artiqsha sho’ktiriwshi ha’m basqalardin’ ta’siri u’yreniledi. Zatlar untaqlarin (kukin) ishqalaw reaksiyalari (qurg’aq usil) tekseriletug’in zatti ha’m reagentti hovonchada eziw arqali a’melge asiriladi. Bunda qatti untaqlardin’ o’z ara ta’sirlesiwi na’tiyjesinde ren’ payda boliwi, o’zgeriwi yaki joq boliwina qarap obiekttin’ qurami haqqinda shamalap juwmaqqa keledi. Bul usil geologik qidiriw jumislarinda en’ qolay bolip, ol o’z mug’dardag’i qurg’aq reaktivlerdi alip ju’riw qiyin emesligine tiykarlang’an. Tekserilip atirg’an obiekt haqqindag’i son’g’i juwmaq geologik qidiriw jumislari menen shug’illaniwshi sho’lkemlerdin’ arnawli laboratoriyada orinlanadi ha’m sol na’tiyjelerge tayang’an halda ol yaki bul ka’ndi ashiw, oni bayitiw ha’m basqa ma’selelerdi orinlaydi. Bul reaksiya ko’binese atmosferadag’i ig’alliq yaki reagenttegi kristallizaciya suwi qatnasinda o’tkeni ushin oni tek sha’rtli ra’wishte ga’na qurg’aq usil dep ataw qabil etilgen. Qurg’aq usillarg’a jalinnin’ ren’inin’ boyaliwi, ren’li marvaridlerdin’ payda boliw usillari da kiredi. Jalin ren’inin’ boyaliwi. U’lgi quramindag’i ionlardi tabiw ushin jalinnin’ ren’inin’ boyaliwi tekseriledi. Jalinin’ ren’nin’ boyawdi tekseriw ushin shiysha nayg’a ornatilg’an platina yaki nixrom siminan paydalaniladi. Tiyisli sim aldin xlorid kislota eritpesine batirilip, son’ jalin qizdirip tazalanadi.Tazalang’an sim tekseriletug’in zat yaki onin’ eritpesine tu’sirilgennen son’ jalin u’stine qoyiladi. Bunda ren’siz jaling’a tiyisli iong’a ta’n bolg’an ren’ge kiredi.