Телефакс-хабарнома

TELEFAKS-XABARNOMA

Qoraqalpog‘iston Respublikasi Suv xo‘jaligi vaziri, viloyatlar irrigatsiya tizimlari havza boshqarmalari hamda vazirlik tasarrufidagi respublika va tizim tashkilotlari rahbarlariga

Joriy yilning 17-iyun kuni soat 16 ⁰⁰ da O‘zbekiston Respublikasi
Suv xo‘jaligi vazirligining ZOOM platformasi orqali videokonferensaloqa (VKA) shaklida navbatdagi selektor yig‘ilishi o‘tkaziladi.
Selektor yig‘ilishida:

1. 
   2020-2021-yillarda davlat-xususiy sheriklik shartlari asosida suv xo‘jaligi obyektlarini xususiy sheriklar boshqaruviga berilgan loyihalar bo‘yicha belgilangan vazifalarning bajarilishi va joriy yilda amalga oshirilishi belgilangan davlat-xususiy sheriklik loyihalari bo‘yicha olib borilayotgan ishlar;
   
2. 
   Axborot-kommunikatsiya va raqamli texnologiyalarni joriy etish bo‘yicha amalga oshirilayotgan ishlar to‘g‘risida;
   
3. 
   Sohaga oid boshqa masalalar muhokama qilinadi
   

Selektor yig‘ilishiga:
Respublika studiyasiga: Vazir o‘rinbosarlari, vazirlik markaziy apparati boshqarma va mustaqil bo‘lim boshliqlari (ro‘yxat bo‘yicha).
Hududiy studiyalarga:
Qoraqalpog‘iston Respublikasi Suv xo‘jaligi vaziri;
Irrigatsiya tizimlari havza boshqarmalari boshliqlari;
Nasos stansiyalari va energetika boshqarmalari boshliqlari;
Meliorativ ekspeditsiyasi boshliqlari;
Irrigatsiya tizim boshqarmalari boshliqlari;
Tuman irrigatsiya bo‘lim boshliqlari;
Respublikadan suv xo‘jaligi masalalari bo‘yicha joylarga biriktirilgan mas’ullar taklif etiladi.
Shu munosabat bilan, Sizlardan yig‘ilishga taklif qilinganlarning, kun tartibidagi masalalar yuzasidan selektor yig‘ilishida hisobot berish uchun tayyorgarlik ko‘rgan holda sohada mavjud bo‘lgan muammolar va ularni hal qilish bo‘yicha asoslangan takliflar bilan to‘liq qatnashishlarini ta’minlashingizni so‘rayman.
Vazir Sh.Xamrayev
Toshkent shahri,
O‘zbekiston Respublikasi
Suv xo‘jaligi vazirligi
2022-yil 16-iyun
01/28-______­­­sonli telefaks-xabarnoma