Tekst redaktorlari menen islew. Ms word programmasi

MS WORD PROGRAMMASI
Wordta hújjetlerdi jaratıwda, onıń quramına kiritilgen, kóplegen shablonlar sisteması hám formatlaw usıllarınan paydalanıladı. Word WYSIWYG (neni kórseń sonı alasań, yaǵnıy ekranda qanday kórinse, baspadan shıǵarılǵanda qaǵazda da sonday kórinedi) túrindegi redaktorlar gruppasına kiredi.
Ádette Word tekstli fayllardı óziniń jeke ekilik formatında .doc keńeytpeli fayl retinde saqlaydı. Bul formattıń tekstli laxjasi RTF format (Rich Text Format) retinde Microsoft firması tárepinen hújjetlestirilgen hám basqa ayırım firmalardıń tekst processorları tárepinen de qollanıw ushın qabıl etilgen. RTF formatı óziniń tekstli strukturası boyınsha kompyuter virusların tarqatıw kózqarasınan qaraǵanda ádewir qáwipsiz bolıp tabıladı. Házirde DOC formatındaǵı fayllar kompyuterler arasında virus tarqatıw quralı bolıp xizmet etip atır. Bul processordıń aqırǵı laxjalari fayllardı gipertekstli formatlarda (.html yamasa .htm) da saqlaw múmkinshiligine iye.
Word tekst protsessorında hújjet penen islewdi ańsatlastırıwǵa xizmet etetuǵın bir neshe úskeneler panelleri (lentalar) qollanıladı.
Microsoft Office programması dáslepki bar Windows 95 operacion sisteması ushın 1995-jılda Microsoft firması tárepinen jaratılǵan. Microsoft Office 95 paketinde tiykarınan Excel, Word, Publisher programmaları orın alǵan edi. Keyinirek 1998-jılda Microsoft jańa Office programmasın Microsoft Office 98 dep atalıwshı paketti islep shıqtı. Bul paketke qosımsha etip, Outlook hám Power Point programmaları kirgizildi. 2000, 2003, 2007, 2010 hám 2013-jılda jaratılǵan Office paketindegi programmalar sanı jıl sayın kóbeyip rawajlanıp atır. Házirgi kúnde eń kóp paydalanılatuǵın túri bul Microsoft Office 2003 programması bolıp tabıladı. Bul programma tek ǵana qániygeler bálkim jańa isleytuǵınlar ushın da bir qansha qolaylı.

Microsoft Office versiyası	Quramındaǵı programmalar sanı	Islep shıǵarılǵan jılı
Microsoft Office 95	3	1995
Microsoft Office 97	4	1997
Microsoft Office 2000	5	2000
Microsoft Office XP	5	2001
Microsoft Office 2003	7	2003
Microsoft Office 2007	9	2006
Microsoft Office 2010	9	2009
Microsoft Office 2013	12	2012

Microsoft Office paketi Microsoft Office 2003 ke shekem múmkinshilikleri artıp, quramına jańa programmalar qosılıp barsada óz kórinisin ózgertpegen edi. Biraq 2006-jıl satıwǵa shıǵarılǵan Microsoft Office 2007 paketi ózinen aldınǵı áwladlardıń barlıq buyrıqları hám múmkinshiliklerin saqlap qalǵan bolsa da, kórinisi aldınǵı versiyalardan túpten parq eter edi. Bul parıqtı tómendegi súwretten seziw múmkin.

Word tekst processorında hújjet penen islewdi ańsatlastırıwǵa xizmet etetuǵın bir neshe lentaları qollanıladı. Ayırım úskeneler panelleri (lentalar) hám olardıń wazıypaları menen tanısamız.