Tekst redaktorlari menen islew. Ms word programmasi

2. Tekstti kirgiziw hám redaktorlaw
Orfografiyalıq aljasıqlardı tuwrılaw
Microsoft Word programması túrli hújjetler jaratıw imkaniyatın beredi. Programma júklengennen keyin ekranda hújjet áynegi payda boladı. Bas bette Dokument1 atı payda boladı (1-súwret).

Tekst bos hújjet aynasında tap taza qaǵazǵa jazılǵan sıyaqlı teriledi. Aynanıń shep joqarı múyeshinde jaylasqan tekst kursorı belgi qay jerde payda bolıwın kórsetedi. Tekstti kirgiziw dáwirinde kursor ońǵa jıljıtıladı hám ózinen tekst qatarın qaldıradı. Nadurıs kiritilgen belgi Back Space túymesin basıw menen óshiriledi. Tekstti teriw dáwirinde Microsoft Word avtomatikalıq túrde gramatikalıq hám orfografiyalıq tekseriwdi ámelge asıradı. Ayırım tipik aljasıqlar probel basılǵanınan keyin avtomatikalıq túrde tuwrılanadı. Eger eki bas hárip izbe - iz kiritilse, ekinshi hárip avtomatikalıq túrde kishi háripke almastırıladı (avtokorrekciya funksiyası qosılǵanda).
Eger sózde orfografiyalıq qátelikke jol qoyılsa, bul sóz qızıl tolqınlı sızıq penen belgilenedi (7-súwret).


Eger kiritilgen tekstte aljasıqlar bar bolsa, olardı ońlaw zárúr. Qátelik bar bolǵan sózde tıshqansha oń túymesi basıladı hám ashılǵan Orfografiya (Spelling) menyusında zárúr variant saylanadı.
Tekstti qoyıw hám óshiriw
Tekstti redaktorlaw dawamında túrli ózgertiwler kiritiledi: qosımsha tekst kiritiledi, barı óshiriledi, eski tekst jańası menen almastırıladı. Bunday ámellerdi orınlawdıń kóplegen usılları bar. Dáslep tekstti óshiriw yamasa almastırıwdan aldın ol ajratıladı, keyninen zárúr ámel orınlanadı (8-súwret).

Jańa tekstti hújjettiń qálegen ornına qoyıw múmkin. Onıń ushın kursor tekst kiritiliwi kerek bolǵan orınǵa qoyıladı hám kerekli tekst kiritiledi. Tekstte eki abzactı birlestiriw zárúr bolsa, onı tómendegishe ámelge asırıw múmkin. Ekinshi abzac aldında Backspace, yamasa birinshi abzac aqırında Delete túymesi basıladı. Bir yamasa bir neshe belgini óshiriw ushın Backspace yamasa Delete túymelerinen bir neshe márte paydalanıw múmkin.
Tekst bólimlerin óshiriw ushın bul usıl qolaysız. Bunday jaǵdaylarda óshiriliwi kerek bolǵan tekst bólegi ajıratıladı. Sózdi óshiriw ushın onıń aldında (yamasa ózinde) tıshqansha túymesi eki ret basıladı hám Delete túymesi basıladı. Teksttiń úlken bólegin óshiriw ushın kerekli orınnan baslap tıshqansha shep túymesi basıp turılǵan halda kerekli jóneliste jıljıtılıp bólim ajratıladı hám Delete túymesi basıladı. Ajıratılǵannan keyin jańa tekst kiritilse, ol aldınǵı teksttiń ornın iyeleydi. Tekst bólegi óshirilgennen keyin tekst bos orındı toltırıw ushın qayta bólistiriledi.