Текст редактор ms word

Абзацтардын арасындагы интервалдарды туура колдонуу
Абзацтардын арасындагы аралыкты кеңейтүү үчүн алардын ортосуна бош сапты кошсо болот, бирок «Абзац» диалог терезесин колдонуу ыңгайлуурак, ал интервалдарды так маанисин берүүчү параметрлерди камтыйт. Мисалы, бир абзацты экинчисинен кызыл сапсыз эле бөлүүгө болот, аны он эки пунктка барабар интервал менен жасаса болот.



5.34-сүрөт

«Абзац» диалог терезесинде «Отступы и интервалы» кошумча барагында мындай интервалдарды коюга болот: «одинарный», «полуторный», «двойной» ж. б. «интерлиньяж» (саптардын арасындагы интервал).

5.35-сүрөт

Мурунку жана кийинки интервалдар абзацты калган тексттен бөлүүгө колдонулат, мисалы, тизмени көрсөтүүнүн алдында, же аталышты бөлүүдө. «До» жана «после» интервалдарын коюуда төмөнкү иштерди аткаруу керек:

1. 
   Интервалын өзгөртүү керек болгон абзацтарды белгилеп алыңыз.
   
2. 
   «Формат» менюсунан «Абзац» командасын тандаңыз, андан соң «Отступы и интервалы» кошумча барагын ачыңыз.
   
3. 
   «Интервал» тобунда «Перед», же «После» талаасына керектүү интервалды киргизиңиз.
   

Саптардын арасындагы интервалды документтин текстинин кандайдыр бир үлгүсүн түзүү үчүн орноштурат, ошол эле учурда негизги текст бирдей саптар аралык интервалды колдонуу менен форматталат. Саптар аралык интервалды эки жол менен койсо болот. Биринчи ыкма «Абзац» диалог терезеси аркылуу. Бирок жеңилирээк ыкмасы да бар. Ал үчүн төмөнкү иштерди аткаруу керек:

1. 
   Өзгөртүлө турган текстти бөлүп алыңыз.
   
2. 
   «Форматирование» куралдар панелинде «Междустрочный интервал» баскычын басыңыз, андан соң кийинки кадамдардын бирин жасаңыз.
   
3. 
   Жаңы интервал колдонуу үчүн баскычтын жанындагы жебечени басыңыз, андан соң керектүү санды тандаңыз.
   
4. 
   Акыркы колдонулган интервалды киргизүү үчүн баскычын басыңыз.
   
5. 
   Тагыраак интервалды берүү үчүн баскычтын жанындагы жебечени басыңыз, «Больше» командасын тандаңыз, андан соң междустрочный тизмесинен керектүү маанини тандаңыз.