Текст проекта 24247-(24247)

project.gov.uz
11.11.2020
24
§ 4. Йўл давомида юкхатини тўлдириш тартиби
62. Қоидаларнинг ушбу бобида кўзда тутилган барча белгилар йўл давомида темир йўл
станциялари томонидан юкхатининг орқа томонидаги “Темир йўл (инфратузилма эгаси, ташувчи)
белгилари” номли 5–графада кўрсатилади.
63. Маълум бир жўнатмага тегишли бўлган далолатномаларни тузишда далолатнома рақами,
тузилган сана ва мазмуни (масалан, “___ та жой етмаганлиги тўғрисида”, “____кг масса
етмаганлиги тўғрисида” ва тижорат носозликлари) кўрсатилади.
64. Ташиш шартномасини ўзгартириш (юк манзилини ўзгартириш) эски ташиш ҳужжатлари
асосида амалга оширилади. Бунда, юкхатида етказиш манзилидаги дастлабки темир йўл
станцияси номи, унинг коди, юкни олувчи
ва унинг коди (юкни олувчининг номи ўзгарганда) ўчирилади (ўқиш имконияти сақланган ҳолда),
сўнг ташиш шартномасини ўзгартириш (манзилни ўзгартириш) тўғрисидаги фармойишга
мувофиқ янги маълумотлар ва уларнинг кодлари кўрсатилади. Бундан ташқари, қуйидаги
белгилар киритилади: “Юк 20___ йил ___ _____даги ____–сон фармойишга асосан темир йўлнинг
______ станцияси манзили ўзгартирилди”.
Айрим ҳолларда янги ҳужжатлар бўйича юк манзили ўзгарганда
ҳам қуйидаги белгилар қайд этилади:
дастлабки ҳужжатларда – “Юк 20___ йил ___ _____даги ____–сон фармойишга асосан темир
йўлнинг ______ станцияси манзили ўзгартирилда”;
янги ҳужжатларда – “Юк 20___ йил ___ _____даги ____–сон фармойишга асосан манзилига
ўзгартирилда. Дастлабки юкхати рақами _____, темир йўлнинг _____ жўнатиш станцияси, темир
йўлнинг _____ етказиш манзилидаги станцияси”.
Белгилар темир йўл станцияси ваколатли ходимининг имзоси ва темир йўл станциясининг
штемпели билан тасдиқланади.
65. Маршрутларни тарқатиш темир йўл станциясида, ҳужжатларида “Темир йўлнинг _________
станциясида тарқатиладиган _____–сон жўнатилувчи маршрут” штемпели билан келган
вагонларни етказиш манзилини расмийлаштиришда
“Юк темир йўлнинг ______ станциясида _____ манзилига юборилди” штемпели қўйилади.
Белги манзиллаштиришни амалга ошираётган ташкилот вакили ва темир йул станциясининг
ваколатли ходими имзолари билан тасдиқланади.
Манзиллаштиришни амалга ошираётган ташкилот янги ҳужжатларда, шунингдек, янги юкни
олувчиларнинг кодларини, юкни тарқатувчи станция
эса – Тариф қўлланмасига мувофиқ юкни етказиш темир йўл станцияси кодини кўрсатиши шарт.
66. Йўл давомида юк бошқа вагонга қайта юкланганда юкхатида вагон рақами ва юк ҳақидаги
маълумотлар уларни ўқиш имкони сақлаб қолинган
ҳолда ўчирилади, сўнг юклар қайта юкланган вагон тўғрисидаги янги маълумотлар киритилади,
ушбу тузатишлар қайта ортиш ишларига раҳбарлик ваколатли қилган ходим имзоси ва темир йўл
станция штемпели билан тасдиқланиши лозим.

---