Текст проекта 24247-(24247)

project.gov.uz
11.11.2020
125
(инфратузилма эгаси, ташувчи) контейнерларида ташилиши мумкин.
531. Давлат ветеринария хизмати назорати остидаги юклар (товарлар) кичик жўнатмалар билан
ташилмайди.
532. Давлат ветеринария хизмати назорати остидаги экспортга юборилаётган юклар (товарлар)
жўнатилаётган юкларнинг (товарларнинг) ҳажмидан қатьи назар давлат ветеринария хизмати
томонидан юк ортиш темир йўл станцияларида мажбурий равишда ветеринария–санитария
назоратидан ўтказилиши керак.
533. Темир йўлда сут, сут маҳсулотлари, пичан ва сомонни ташиш ветеринария гувоҳномаси
(сертификати) мавжудлиги ҳоллардагина амалга оширилиб, юк ортиш ва тушириш вақтида ушбу
юкларни (товарларни) давлат ветеринария хизмати органи кўригидан ўтказиш мажбурийдир.
Кўрсатилган юклар (товарлар) бир вақтнинг ўзида битта юк жўнатувчи томонидан битта етказиш
манзилидаги темир йўл станциясига битта юкни олувчи номига ортилаётган бўлса, ҳар бир
вагонга битта ветеринария гувоҳномаси (сертификати) тақдим этилади.
534. Жониворлар маҳсулотлари ва хом ашёсини ташишдан кейин, шунингдек, гўшт ва гўшт
маҳсулотларини ташиш учун ишлатиладиган вагонларга мажбурий равишда
ветеринария–санитария ишлови берилиши керак.
Вагонларга ветеринария–санитария жиҳатидан ишлов бериш тоифаси давлат ветеринария хизмати
органининг ҳар бир вагон учун белгиланган шаклдаги ветеринария кўрсатмасини берадиган
вакили томонидан белгиланади.
Хом чорва маҳсулотларини ташилгандан кейин вагонларни тозалаш, ювиш ва зарур бўлган
ҳолларда дезинфекция қилиш темир йўл (инфратузилма эгаси, ташувчи) ташкилотлари томонидан
давлат ветеринария хизмати назорати остида юкни олувчи ҳисобидан амалга оширилади.
26–боб. Карантин остидаги маҳсулотларни ташиш тартиби
535. Карантин остидаги маҳсулотлар ўсимликлар, уларнинг қисмлари, экин материаллари, қайта
ишлаш маҳсулоти, ўсимликлар карантини объектларининг ташувчилари бўлиши мумкин бўлган
бошқа маҳсулот ва юклардир.
536. Карантин остидаги маҳсулотларни темир йўл транспорти орқали Ўзбекистон Республикасига
олиб кириш ёки уларни республика ҳудуди бўйлаб транзит ташиш учун экспортёр мамлакатнинг
карантин ва ўсимликларни ҳимоя қилиш давлат органлари томонидан тақдим этилувчи карантин
рухсатномаси
ва фитосанитарияия сертификати мавжуд бўлган ҳолда рухсат этилади.
Карантин ва ўсимликларни ҳимоя қилиш давлат органларига эга бўлмаган чет эл
мамлакатларидан карантин остидаги маҳсулотларни олиб кириш
учун “Ўздавкарантин” инспекцияси томонидан карантин остидаги алоҳида маҳсулотлар
партиясига бериладиган карантин рухсатномаси мавжуд бўлган
ҳолда рухсат этилади.
537. Темир йўл транспорти орқали экспорт қилинадиган карантин остидаги маҳсулотларни юклаш
ҳар бир вагон учун “Ўздавкарантин” инспекциясининг ҳудудий бўлинмалари томонидан берилган
фитосанитарияия сертификати мавжуд бўлганида амалга оширилади.

---