“тежамкорлик сабоқлари” машғулотлари дастури

 
Мавзу: Чучук сув хазинаси (“Айсберглар”) (2 соат). 
Мақсад: Ўқувчиларга чучук сув заҳираларига бой ҳудудларни, унинг
инсон ҳаѐтидаги аҳамияти ва ундан тежаб-тергаб фойдаланиш зарурлигини 
тушунтириш орқали чучук сув бой хазина эканлиги ҳақида маълумот 
бериш. 
Мавзунинг мазмуни: Сувнинг муз, музликларда қорда узоқ вақт тўпланиб 
туриши табиатда сув айланиш жараѐнининг бир қисми эканлиги. Ернинг 
жами 90% музликлари Антарктикада, шу билан бирга 10% жаҳондаги 
музликлар Гренландияда тўпланганлиги ҳақида. Ҳозирда музликлар 
ернинг 10-11% ини қоплагани. Ҳамма музликлар эриб кетса, денгизлар 
сатҳи 70 метрга ўсиши. Чучук сув олишда айсберглардан фойдаланиш. 
АКТ орқали “Айсберг инсон хизматида” мавзусидаги лавҳани намойиш 
этиш.  
 Мазкур мавзуни география фанидан “Ёш географлар”, “Ёш 
ўлкашунослар” тўгарак мавзулари билан, информатика фанидан 
“Ҳужжат ҳосил қилиш ва сақлаш” мавзуси билан уйғунлаштириб олиб 
борилиши тавсия этилади.
 
Мавзу: Дунѐнинг мафтункор шаршаралари (2 соат). 
Мақсад: Ўқувчиларга сувнинг нафақат океан, денгиз ва дарѐларда 
мужассам эканлиги, балки улар баланд тоғлардан отилиб тушаѐтган 
шаршараларда ҳам ўз аксини топганлиги ва бу улуғвор шаршараларнинг 
инсон ҳаѐтидаги аҳамияти ҳақида тушунча бериш. 
Мавзунинг мазмуни: Ер юзидаги шаршаралар. Улардан турли 
мақсадларда (туризм, спорт, энергия олиш) фойдаланиш. Дунѐдаги энг 
баланд ва мафтункор шаршаралар ҳақида маълумот бериш. 
Шаршараларнинг инсон ҳаѐтидаги ўрни. Ўқувчиларга дунѐнинг энг 
мафтункор шаршаралари ҳақида маълумотлар тўплаб келиш топшириғини 
бериш орқали сув заҳираларидан оқилона фойдаланишга ўргатиш.
 Мазкур мавзуни география фанидан “Жанубий Америка, Шимолий 
Америка материкларининг ички сувлари” мавзулари билан уйғунлаштириб 
олиб борилиши тавсия этилади.