Технологик қурилмалари структураси синфланиши, асосий кўрсаткичлари ва уларга қўйиладиган талабалар

Uskunalarning asosiy ko‘rsatkichlari
Texnologik uskunalarning ishi texnik xarakteristikasini tashkil qiluvchi texnologik va texnik ko‘rsatkichlari orqali ifodalanadi. Ularga odatda quyidagilar kiradi:
- Quvvati, ya’ni qayta ishlanadigan xom ashyo yoki ishlab chiqariladigan mahsulotning vaqt birligidagi miqdori;
- sarflanadigan energetik quvvat, vaqt birligidagi issiqlik yoki sovuqlik miqdori, elektr energiyasi bilan ifodalanadi;
- elektr energiyasi ko‘rsatkichlari (kuchlanish, chastota, fazalar soni) issiqlik tashuvchi ko‘rsatkichlari (harorati, bosimi). Sovuqlik tashuvchi ko‘rsatkichlari( turi, harorati);
- xom-ashyo va ishlab chiqaradigan mahsulot ko‘rsatkichlari;
- uskuna va uning ayrim elementlari va qismlari ishlash rejimi ko‘rsatkichlari – bosim, harorat, aylanish chastotasi va boshqalar;
- uskuna gabarit o‘lchamlari va massasi;
Uskuna texnik xarakteristikasi uning konkret mahsulot turini ishlab chiqaradigan texnologik operatsiyani bajara olishga yaroqli ekanligini aniqlab beradi.


SEPARATORLAR
Separatorlar tasnifi va asosiy qismlari. Texnologik jarayonlarni amalga oshirishiga qarab bu uskuna ikki asosiy guruhga bo‘inadi: Separator–sut tozalagich va separator–qaymoq ajratgich. Separator–sut tozalagichlarda sutni mexanik va tabiiy qo‘shilmalardan markazdan qochma ravishda tozalanadi. Bu guruhga, shuningdek oqsilni zardobdan ajratuvchi, tvorog laxtasini namsizlantiruvchi separatorlar va separator–bakteriya ajratgichlar kiradi. Separator–qaymoq ajratgichlarda sut qaymoq va yog‘sizlantrilgan sutga ajratiladi, sut yog‘i miqdori me’yorlashtiriladi (qo‘shimcha moslamalar o‘rnatilgach), zardob yog‘sizlantiriladi va yuqori yog‘lili qaymoq olinadi.

1-rasm. Quyqani markazdan qochma kuch orqali davriy chiqaruvchi A1–OTSR–5 tipidagi separator – qaymoq ajratgich. a – umumiy ko‘rinishi: 1 – gorizontal val; 2 – taxometr; 3 – cho‘kmani qabul qilgich; 4 – tayanchning yuqorigi kallagi; 5 – asos; 6 – porshenь; 7 – tarelьka ushlagich; 8 – baraban qopqog‘i; 9 –separator qopqog‘i; 10 – qabul qiluvchi-chiqaruvchi moslama; 11 – qaymoqni chiqarish liniyasi; 12 – yog‘sizlantirilgan sutni chiqarish liniyasi; 13 – iste’mol trubkasi; 15 – gidrouzel;16 - vertikal val; 17–stanina

Konstruktiv tuzilishga qarab, separatorlar ochiq, yarimyopiq, yopiq turlarga bo‘linadi. Ochiq separatorlarda sut kirishi va fraksiyalarning chiqishi germetiklanmagan. YArimyopiq turlarda sutning kirishi ochiq yoki yopiq, lekin bosimsiz, mahsulot chiqishi esa–yopiq, separatorda hosil bo‘lgan bosim ostida bo‘ladi. YOpiq separatorlarda sut kirishi, fraksiyalarga ajratilishi va ularning chiqishi germetiklangan. Sut kelishi va fraksiyalar chiqishi bosim ostida amalga oshiriladi.
SHuningdek, separatorlar cho‘kmani chiqarish usuliga qarab ham tasniflanadi: cho‘kmani separatorni to‘xtatib, barabanlarni ajratib chiqarish, separatorni uzluksiz ishlash jarayonida davriy markazdan qochma va uzlukiz chiqarish.
Separatorlar quyidagi asosiy qismlardan iborat: kosa ko‘rinishidagi stanina, baraban, qabul qilish–chiqarish moslamasi va (uzatish) xarakatga keltirish mexanizmi.