Техник ижодкорлик ва дизайн фанининг назарий (лекция) машғулотлари мазмуни

Shnurlarning
o`rilgan, eshilgan va to`qilgan xillari bo`ladi . 
O`rilgan shnurlar
o`rish mashinalarida yo`g`on paxta kalava 
ipdan o`zak sifatida foydalanib atrofida viskoza, kapron iplar, paxta 
yoki shtapel kalava iplar o`rib tayyorlanadi.
 
Ayollar va bolalar buyumlarini bezash uchun ishlatiladigan sutaj 
shnuri ikkita yo`g`on kalava ipga sidirg`a yoki har xil rangli viskoza 
iplar o`rib tayyorlanadi. Sutajning o`rtasida chuqurcha bo`lib, 
buyumga sutajni tikkanda qaviq shu chuqurcha bo`ylab tushiriladi. 
Sinelka (popuk) –
yo`g`onligi 4 mm gacha bo`lgan tukli momiq 
shnur, viskoza ipakdan tayyorlanib, o`rtasidan paxta kalava ip bilan 
mahkamlanadi. 
Petlyalik
o`rilgan shnur – o`zagi paxta kalava ipdan va viskoza 
kapron iplardan tayyorlanadi; diametri 4 mm. 
Bort uchun ishlatiladigan o`rilgan shnurning o`zagi
 
paxta 
tolasidan iborat; diametri 2 mm; relefdor petlyalar uchun ishlatiladi. 
Eshilgan shnurlar bir necha 
yo`g`on paxta, viskoza, jun 
tolalarini eshish yo`li bilan tayyorlanadi. Eshilgan shnurlarning 
diametri 1,5 – 6 mm, sidirg`a, guldor. Tovlanuvchan qilish uchun 
shnurlarga metal iplar aralashtirilishi mumkin. 
To`qima 
shnurlar ShVM markali maxsus dumaloq to`qish 
mashinalarida tayyorlanadi. Bunday shnurlarning shakli va eni har xil 

---

~ 194 ~ 
bo`lishi mumkin. Ular asosida bolalar buyumlarini bezash uchun 
ishlatiladi. 
To`r
– to`rsimon, shaffof, bejirim buyum iplardan qo`lda yoki 
mashinalarda tayyorlanadi. 
Qo`lda tayyorlangan to`r o`rab, to`qib yoki yo`rmab kungira, 
proshivka motiv va donali buyumlar tarzida ishlab chiqariladi. 
Kungira – bir tomoni tekis, ikkinchi tomoni tishdor qilib, har xil 
enli poloskalar tarzida tayyorlangan to`r.