Тазалық-саламатлық гиреўи

Қарақалпақстан Республикасы Мойнақ районы Мектепке шекемги билимлендириў бөлимине қараслы 2-санлы мектепке шекемги билимлендириў шөлкеми методисти Казиева Эльвираның



COVID-19 пандемиясы себепли карантин кезинде
«Ең жақсы инновацион сабақ исленбеси»
таңлаўы ушын.
Тема: Тазалық-саламатлық гиреўи.



Бул сабақ исленбе қәзирги COVID-19 пандемия себепли карантин кезинде тәрбияланыўшылардың үй шариятында тәлим-тәрбия жумысларын ата-аналар ҳәм шаңырақ ағзалары менен биргеликте алып барыў ушын исленген топар тәрбияшысының көрсетпеси менен өткериледи.
Пән: Тил өсириў.
Тема: Тазалық саламатлық –гиреўи.
Сабақтың мақсети: Тәрбияланыўшыларды тазалыққа тәрбиелеў.Тазалықтың адам өмирине қаншалықты әҳмийетли екинин уйретип,балаларды тазалық гигиенасына тәрбиелеў.Турли предметлерден композиция жаратыў.Идеялар жаратыўға уйретиў,өзара пикирлер айтыўға уйретиў,дыққатын,сөйлеў қәбилетин байытыў. Улкенлер мийнетине хүрмет етиў.Әтирапқа ҳәрдайым итибарлы болып,өз уақтында шығындыларды таслап,қолларымызды сабынлап жуўып турыў хаққында тазалаққа тәрбиелеў. Балалардың майда қол моторикасын раўажландырыў.Еркинликке уйретиў,ойын шынығыўлар уақтында исенимли болыуға уйретиў.Тазалыққа бойсыныў ҳәм тәрбиеликке уйретиў. Керекли қураллар: А4 форматтағы реңли ҳәм ақ қағаз,уй шараятында таярланған желим яки пластилин,қайшы,лего,АКТ,тис пастасы,салфетка. Сабақтың барысы: а)Шөлкемлестириў. Балалардың дыққатын жәмлеп сабаққа қаратыў.
-Сәлем балажанлар! Карантин қағыйдаларына бойсынып журсизлерме бе?Тапсырмаларды өз уақтында орынлап атырсызларма?Олай болса бугинги сабағымыз «Тил өсириў»сабағында тазалық ҳаққында билип аламыз. –Тәрбияшы: Балажанлар кеўил-хошыңыз жақсы ма?Қәне балажанлар кейпиятымызды көтериў ушын ҳәрекетли ойынлар ойнаймыз.Мен сизлерге ойынның шәртлерин қол қыймылы арқалы көрсетип беремен.Бетлеримизди жууамыз деп қоллар жәрдеминде көрсетемиз.Қәне балажанлар мен тазалыққа уйретиўши сөзлерди айтып тураман, ал сизлер қол қыймылы арқалы көрсетесизлер.Полды жыуў,шаңларды сүртиў,шығындыларды шелекке салыў,ойыншықларды жыйнаў,аяқ-кийимлерди тәртипке келтирип қойыў,кийимлерди жыйнап койыў,шашты тараў,тисти жыуў, аяқ-қолларды жыуў,бет-қолымызды жыуў деген сөзлерди қол қыймылы арқалы ислеп балалар бир-бириниң қолларынан услаған ҳалды шынжыр пайда болады ҳәм ойынды жуўмақлаймыз.

Б угин сизлер менен тил ҳәм нутқ орайларында тазалық қағыйдалары уйренип жеке гигиена қағыйдалары ҳаққында сөйлесемиз.Пән ҳәм тәбият орайында тис пастасы арқалы әжайып бир тәжирийбе өткиземиз,қурыў-жасаў математика орайында шығындылар жыйнаўшы робот ҳәм машина жасаймыз,санаат орайында әжайып терек аппликациясын ислеймиз,сюжетли ролли орайында робат ҳәм машиналар ҳаққында гүрриң қурып ҳәрекетли ойынлар ойнаймыз.Өзлериңиз қәлеген орайларда жумыс алып барыўыңыз мумкин.(Балалар өзлери қәлеген орайларды таңлайды).