Tayyorlash va ularning malakasini oshirishni tashkil

97 
BOSh ILMIY-METODIK MARKAZ 
2-AMALIY MASHG‘ULOT. MAVZU: KREDIT-MODUL TIZIMIDA 
O‘QUV JARAYONINING USLUBIY TA’MINOTI. (2 SOAT)
 
Reja: 
1.
Mutaxassislikning o‘quv-uslubiy majmuasi.
2.
Davlat ta’lim standartlari.
3.
Malaka talablari.
4.
O‘quv rejalari va o‘quv fanlari dasturlari (Sillabus)ni takomillashtirish 
tamoyillari.
5.
Tanlov fanlari katalogi.
 
6.
Fanning o‘quv-uslubiy majmuasi.
 
 
Amaliy mashg‘ulot maqsadi: 
Tinglovchilarda kredit-modul tizimida o‘quv jarayonining uslubiy 
ta’minotini, jumladan mutaxassislikning o‘quv-uslubiy majmuasi, o‘quv reja va 
o‘quv fanlari dasturlari, tanlov fanlar katologi hamda fanning o‘quv-uslubiy 
majmuasini shakllantirish bo‘yicha malaka va ko‘nikmalarini shakllantirish.
Amaliy mashg‘ulotni o‘tkazish tartibi: 
Mashg‘ulot rejasi bo‘yicha materiallar tahlil qilinib, kichik guruhlar yoki 
juftliklarda yangi pedagogik texnologiyalar yoki interaktiv usullardan foydalangan 
holda berilgan topshiriqlar bajariladi.
 
Amaliy mashg‘ulot bo‘yicha materiallar: 
Mutaxassislikning o‘quv-uslubiy majmuasi. 
Kredit ta’lim tizimi sharoitida 
talabalar va professor-o‘qituvchilar mobilligi ta’lim muassasasining akademik 
erkinligi va vakolatlarini kengaytirish orqali ta’minlanadi. Bunda talabalarning 
akademik erkinligi ularning ta’lim dasturiga kirgan fanlarni o‘zlashtirishida 
mustaqil ishlarning ahamiyatini yuksaltirish orqali o‘z faoliyatini va mustaqil bilim 
olishini tashkil etish qobiliyatlarini rivojlantiradi. 
Ta’lim tizimida mutaxassis tayyorlash modelini o‘zida aks ettiruvchi rasmiy 
hujjat – mutaxassislikning o‘quv-uslubiy majmuasi (MO‘UM) hisoblanadi. 
MO‘UM bakalavr, magistr va doktorantlar tayyorlash konsepsiyasini 
aniqlovchi hujjatdir. MO‘UM har bir mutaxassislik bo‘yicha talabalarni o‘qitishning 
maqsadlari, mazmuni va usullarini aniqlaydi. 
MO‘UM o‘z ichiga quyidagilarni oladi: 
• davlat ta’lim standartlari; 
• malaka talablari; 
• o‘quv rejalari; 
• tanlov fanlari katalogi; 
• fanning o‘quv-uslubiy majmuasi. 

---