Tavakkalchilikni boshqarish

3.Talabalar mustaqil ishlarini tashkil etishning asosiy tamoyillari

Talabalar mustaqil ishlarini tashkil etishda «Talabalar mustaqil ishini tashkil etish va nazorat qilish» bo’yicha yo’riqnomada belgilangan quyidagi asosiy tamoyillarga rioya qilish maqsadga muvofiqdir:

1.Talabalar mustaqil ishlarini ikki ko’rinishda – auditoriyada va auditoriyadan tashqarida tashkil etish.
2.Talabalar mustaqil ishlarini tizimli ravishda, ya’ni bosqichma-bosqich, oddiydan murakkabga qarab tashkil etilishini ta’minlash.
3. Talabalar mustaqil ishlarining shakli va hajmini belgilashda quyidagi muhim jihatlarga e’tibor qaratish:
- talabaning o’qish bosqichi;
- muayyan fanning o’ziga xos xususiyati, o’zlashtirishdagi qiyinchilik darajasiga;
- talabaning qobiliyati, nazariy va amaliy tayyorgarlik darajasiga;
- fanning axborot manbalari bilan ta’minlanganlik darajasiga;
- talabaning axborot manbalaribilan ishlay olish darajasiga;
- mustaqil ish uchun topshiriqlar kursdan-kursga o’tish bilan shakl va hajm jihatidan o’zgarib borishiga;
- mustaqil ish fan xususiyati hamda talabaning akademik o’zlashtirish darajasiga va qobiliyatiga mos holda tashkil etish.

4. Talaba mustaqil ishining axborot ta’minoti

1. Talaba uchun muayyan fan bo’yicha mustaqil ish vazifasini tegishli kafedradagi professor (yoki yetakchi dotsent) tomonidan o’quv mashg’ulotlarini bevosita olib boruvchi o’qituvchi bilan birgalikda tuziladi. Talabaga berilgan topshiriqda mustaqil ishni bajarish bo’yicha dastlabki ko’rsatma va tavsiyalar qayd etiladi.

2. Mustaqil ishni bajarish uchun talabaga axborot manbasi sifatida darslik va o’quv qo’llanma va ko’rsatmalar, ma’lumotlar ma’lumotlar to’plami va banki, ilmiy va ommaviy davriy nashrlar, internet tarmog’idagi tegishli ma’lumotlar, berilgan mavzu bo’yicha avval bajarilgan ishlar banki va boshqalar xizmat qiladi.
3. Kafedra mudiri va tegishli fakultet dekani taqdimnomasi asosida institut rahbariyati talabalarga mustaqil ishlarni bajarish uchun zaruriy axborot, manbaa va vositalarni belgilaydi, talabalarga turli kutubxonalar, muzeylar, tarmoq muassasalari va korxonalardan mustaqil ish uchun zaruriy ma’lumotlar to’plash yuzasidan so’rovnoma xatlarini va shartnomalar rasmiylashtirib beradi.
4. Institut rahbariyati tomonidan talabalarga mustaqil ishlarni o’z vaqtida bajarish uchun komьyuter texnikasi, internet tarmog’idan va tajriba xonalaridan samarali foydalanish uchun shart-sharoitlar yaratib beriladi.