Тасвирий санъат дарсларида таълимнинг электрон ресурсларидан фойдаланишнинг ташкилий-педагогик асолари”

2.3. Бўлажак тасвирий санъат ўқитувчиларида педагогик компетентликни шакллантириш бўйича олиб борилган тажриба-синов ишлари таҳлили
Бўлажак тасвирий санъат ўқитувчиларида педагогик компетентликни шакллантириш бўйича олиб борилган битирув малакавий иши бир неча босқичдан иборат бўлди.
Тажриба-синов ишларини ташкил этиш ва битирув малакавий ишимиз фаразининг тўғрилигини аниқлаш мақсадида биз аввал танланган муаммонинг ташхисини аниқлашга киришдик.
Ана шу хулосадан келиб чиққан ҳолда ташхисни аниқлаш учун қуйидаги иккита асосий тадқиқотни ўтказдик:
1) биринчи курс талабларидаги педагоглик касбига муносабатни;
2) олий ўқув юртидаги таълим жараёнида бўлажак ўқитувчиларда педагогик компетентликни шаклланганлик даражаларини ўргандик.
Дастлабки тажриба синов ишлари 1 - курс ва битирувчи курс талабаларининг педагогик компетентлик ҳақидаги умумий тасаввурларини ўргандик. Яъни уларнинг касбга оид фаолиятининг инсон ҳаётидаги аҳамияти, келажакдаги режаларида касбнинг тутган ўрни, педагоглик компетентлик турлари, улар ҳақидаги тасаввурлари, уларни шакллантириш йўллари, педагогик компетентликни шаклланишида ўзини-ўзи таҳлил қилиш, англаш ва ўзини-ўзи баҳолашнинг аҳамиятини тадқиқотлар орқали аниқладик.
Тадқиқот ишларини ташкил этишда олий ўқув юрти талабаларининг педагоглик касбига тайёргарлигининг ҳозирги даражасини таҳлил қилиш муҳимлиги аниқланди. Уларда таълим жараёнида педагоглик компетентликни шакллантиришда, аввало, бўлажак ўқитувчиларни педагогик фаолиятга тайёрлиги, ўз-ўзини англаши, ўзига ва ўзгаларга тўғри баҳо бера олиши муҳим аҳамият касб этиши аниқланди. Шунга доир тадқиқот ишлари олиб борилди. Битирув малакавий иши натижалари ишимизнинг олдинги саҳифаларида баён этилган.
Ўтказилган дастлабки ташхислар битирув малакавий иши фаразининг тўғрилигини исботлади.
Биз тажриба-синов ишларини Фарғона давлат университети базасида ўтказдик.
Аввало, ўқитувчилик касби мотивларини тарбиялаш ва ривожлантиришга катта эътибор қаратилди. Бунинг учун бўлажак педагогларнинг олий ўқув юртидаги машғулотларга муносабатини ўргандик. Бу қуйидаги жадвалда берилган:
2.3.1-жадвал