«tasvir» nashriyot uyi

shaxs tilidan yoziladi, ammo ular ish qog‘ozlari sirasiga
kirmaydi.
488-mashq.
  Berilgan matnni o‘qing. O‘zingizning tarjimayi holi-
ngizni yozing.
TARJIMAYI HOL
Men, Abdullayeva Nafisa Rustam qizi, 2003-yilning
4-iyunida Xorazm viloyatining Xiva shahrida xizmatchi oilasida
tug‘ildim.
Otam – Abdullayev Rustam «Barkamol avlod» sport-
sog‘lomlashtirish markazida murabbiy bo‘lib ishlaydi.
Onam – Abdullayeva Hulkar 30-umumta’lim maktabida
matematika fanidan dars beradi.
Oilada 5 kishimiz. Singlim – Ra’no 5-sinfda, ukam – Zafar
3-sinfda o‘qiydi.
2010-yili Xiva shahridagi 30-umumta’lim maktabining
1-sinfiga o‘qishga qabul qilindim. Hozir ushbu maktabning
6-sinfida o‘qimoqdaman.
Ona tili va adabiyot, tarix fanlariga qiziqaman, suvda suzishni
yaxshi ko‘raman. Maktabdagi jamoat ishlariga faol qatnashaman,
sinfimiz devoriy gazetasining doimiy mualliflaridanman.
Yashash manzilim: Xiva shahri, Obod ko‘chasi, 11-uy.
(imzo)
N. Abdullayeva
2017-yil 15-noyabr
489-mashq.
 Namunadan foydalanib, o‘zingizning tarjimayi holi-
ngizni yozing.
Rauf Parfi 1943-yilning 27-sentyabrida Toshkent viloya-
tining Yangiyo‘l tumanidagi Sho‘ralisoy qishlog‘ida dehqon
oilasida tug‘ildi.
Otasi – Parfi Muhammadamin o‘qimishli kishi bo‘lib,
sho‘rolar quvg‘ini davrida Farg‘onaning Vodil qishlog‘idan
Sho‘ralisoyga kelib qolgan. Onasi – Sakinaxonim Isabek qizi ham
mumtoz adabiyotni biladigan ayol bo‘lib, u ham asli farg‘onalik
edi.

---

194
Rauf Parfi 1950-yilda Sho‘ralisoydagi maktabga o‘qishga
boradi va u yerda 1956-yilgacha saboq oladi. So‘ng qo‘shni qish-
loqdagi maktabga o‘tib, bu yerda 1958-yilgacha tahsilni davom
ettiradi. Sakkizinchi sinfni tugatgach, o‘qishni Yangiyo‘l shahri-
dagi kechki maktabga o‘tkazib, mehnat faoliyatini boshlaydi...
O‘rta ma‘lumot olgach, 1960-yilda Toshkent davlat universitetiga
o‘qishga kiradi...
Ulkan o‘zbek shoiri Rauf Parfi 2005-yilning 28-martida
yurak xastaligidan vafot etdi. («So‘nmas yulduzlar» kitobidan)