Tashqi iqtisodiy faoliyat va raqobat menejmenti

Fanning o‘qitishning maqsadi va vazifalari.
Fanni o‘rganishdan maqsad — tashqi iqtisodiy aloqalarning tur­li jihatlari va raqobat menejmenti bo‘yicha tegishli bilimlarni berishdan iboratdir.
Fanning asosiy vazifasi - tashqi iqtisodiy aloqalarning tashkiliy, huquqiy va iqtisodiy asoslari hamda tashqi iqtisodiy faoliyat amaliyoti va texnikasi, raqobat menejmenti bilan tanishtirish hamda shu kabi masalalarni yanada chuqur o‘rganish va amaliy o‘zlashtirish, olingan bilimlarni amalda qo‘llashga zarur asosni ta'minlashdan iboratdir.
Ushbu maqsadga erishish uchun fan talabalarni nazariy bilimlar, amaliy ko‘nikmalar, ijtimoiy-iqtisodiy hodisa va xizmatlar jarayoniga uslubiy yondashuv hamda ilmiy dunyoqarashini shakllantirish vazifalarini bajaradi.
Qo‘yilgan maqsadga muvofiq o‘qitish jarayonida quyidagi:
Fan bo‘yicha talabalarning bilim, ko‘nikma va malakalariga qo‘yidagi talablar qo‘yiladi. Talaba:
• tashqi iqtisodiy faoliyat va raqobat menejmentini tashkil etishning asosiy kategoriyalari, elementlari va tamoyillari, fanning nazariy asoslari va konseptual apparati, fanni uslubiy rivojlantirishning asosiy bosqichlari va uni rivojlantirish yo‘lidagi g‘oyalarni o‘gartirishning asosiy burchlarini bilishi;
tashqi iqtisodiy faoliyatni tashkil etish va raqobatni boshqarish nuqtai nazaridan korxonalarning tashkiliy tuzilmasini loyihalashtirish, tashqi iqtisodiy aloqalar to‘g‘risidagi yangi axborotlar tizimidan foydalanish, jarayonni boshqarishning asosiy yondashuvlarini maqsadlar asosida, yetuklik, ishlab chiqarish qobiliyati, moslashuvchanlik, funksionallik va hokazolar asosida tizimlashtira olishi;
turli mulkchilik shakllaridagi korxonalarning ishlab chiqarish, ilmiy-texnikaviy, valyuta-moliya, xorijiy sheriklar bilan savdo-iqtisodiy aloqalarni amalga oshira olish ko‘nikmalariga ega bo‘lishi.


Talabalarning mustaqil topshiriqlariga qo‘yiladigan talablar.
Mustaqil ishni tashkil etishning turli xil shakllari mavjud bo‘lib, bunda asosiy e'tibor talabaning berilgan mavzular(amaliy masalalar, topshiriqlar va keys-stadilar)ni mustaqil ravishda, ya'ni auditoriyadan tashqarida bajarishi, o‘qib o‘rganishi va shu yo‘nalish bo‘yicha bilim va ko‘nikmalarlarini chuqurlashtirishga qaratiladi. Ushbu shakllarga quyi­da­gilar tegishlidir:

• 
  darslik va o‘quv qo‘llanmalar bo‘yicha fanlar boblari va mavzularini o‘rganish;
  
• 
  tarqatma materiallar bo‘yicha ma'ruzalar qismini o‘zlashtirish;
  
• 
  avtomatlashtirilgan o‘rgatuvchi nazorat qiluvchi tizimlar bilan ishlash;
  
• 
  maxsus adabiyotlar bo‘yicha fanlar bo‘limlari yoki mavzulari ustida ishlash;
  
• 
  talabalarning o‘quv-ilmiy tadqiqot ishlarini bajarish bilan bog‘­liq bo‘lgan fanlar bo‘limlari va mavzularini chuqur o‘rganish;
  
• 
  keys-stadilar va o‘quv loyihalarini mustaqil bajara olish;
  
• 
  faol va muammoli o‘qitish uslubidan foydalaniladigan o‘quv mash­g‘u­lot­larini o‘zlashtirish.