Tashqi iqtisodiy faoliyat. Bojxona / Bojxonaga oid qonun hujjatlari]

1) 40-grafa. “Umumiy deklaratsiya/avvalgi hujjat”.

Grafada mazkur Yo‘riqnomaning 25-bandida belgilangan tartibda tovarlarni O‘zbekiston Respublikasi bojxona hududidan olib chiqishga asos bo‘lgan BYuD to‘g‘risidagi ma’lumotlar ko‘rsatiladi;

Oldingi tahrirga qarang.

Grafada qo‘shimcha ravishda tovarlarni bojxona rasmiylashtiruvini amalga oshirish uchun ichki bojxona organiga yetkazib berish uchun asos bo‘lgan yetkazib berishni nazorat qilish hujjatlari (yukni yetkazib berishni nazorat qilish kitobchasi, MDP kitobchasi) haqidagi quyidagi ma’lumotlar ko‘rsatiladi:

yetkazib berishni nazorat qilish hujjatining kodi: yukni yetkazib berishni nazorat qilish kitobchasi uchun — KKDG, MDP kitobchasi uchun — MDP;

yetkazib berishni nazorat qilish to‘g‘risidagi hujjat raqami (99999/99.99.9999/IM999999 — post kodi/sana/yukni yetkazib berishni nazorat qilish kitobchasi raqami, 99999/99.99.9999/ZX99999999 — post kodi/sana/MDP kitobchasi raqami). Bunda, yukni yetkazib berishni nazorat qilish kitobchasi raqamidagi harflar kirill alifbosi harflarida, MDP kitobchasi raqamidagi harflar esa lotin alifbosida yozilishi shart;

yetkazib berishni nazorat qilish to‘g‘risidagi hujjatda ko‘rsatilgan tovarning, rasmiylashtirilayotgan brutto vazni (kilogrammda).

Masalan:

KKDG 06006/31.03.2012/IM003761 — 15000 kg;

MDP 27002/01.01.2014/XY00156239 — 19456 kg.

Agar tovar bir nechta yetkazib berishni nazorat qilish to‘g‘risidagi hujjatlardan rasmiylashtirilayotgan bo‘lsa, har bir ma’lumot alohida yangi qatordan yuqorida qayd etilgan tartibda ko‘rsatiladi.

Tovarlarda ichki bojxona organiga yetkazib berish uchun asos bo‘ladigan yetkazib berishni nazorat qilish hujjatlari mavjud bo‘lmagan hollarda grafada qo‘shimcha ravishda ushbu hujjat haqida ma’lumot ko‘rsatilishi talab etilmaydi;

(31-bandning 1-kichik bandi O‘zbekiston Respublikasi Davlat bojxona qo‘mitasining 2021-yil 21-iyundagi 01-02/15-35-sonli qaroriga (ro‘yxat raqami 2773-6, 19.07.2021-y.) asosan xatboshilar bilan to‘ldirilgan — Qonunchilik ma’lumotlari milliy bazasi, 19.07.2021-y., 10/21/2773-6/0702-son — 2021-yil 20-oktabrdan kuchga kiradi)

Oldingi tahrirga qarang.

(31-bandning 2-kichik bandi O‘zbekiston Respublikasi Davlat bojxona qo‘mitasining 2019-yil 22-fevraldagi 01-02/15-15-sonli qaroriga (ro‘yxat raqami 2773-3, 25.02.2019-y.) asosan chiqarilgan — Qonun hujjatlari ma’lumotlari milliy bazasi, 25.02.2019-y., 10/19/2773-3/2664-son)

3) “C” grafa.

Grafada quyidagilar ko‘rsatiladi (ma’lumotlarning har biri yangi satrdan boshlanadi va ulardan har birining oldiga tartib raqami qo‘yiladi):

1 — ijrosi bo‘yicha tovar O‘zbekiston Respublikasi bojxona hududidan olib chiqilgan tashqi savdo kontraktining (shartnomasining, kelishuvining) Tashqi savdo operatsiyalari yagona elektron axborot tizimidagi identifikatsiya raqami;

Oldingi tahrirga qarang.

2 — tovarlar O‘zbekiston Respublikasi hududiga olib kirilgan sana. Olib kirilgan sana O‘zbekiston Respublikasi chegarasidan o‘tish punktidagi chegara bojxona postida tovarning kuzatuv hujjatlariga qo‘yiladigan shtamp sanasi bo‘yicha aniqlanadi.

(31-bandning 3-kichik bandi to‘rtinchi xatboshisi O‘zbekiston Respublikasi Davlat bojxona qo‘mitasining 2018-yil 30-apreldagi 01-02/13-37-sonli qarori (ro‘yxat raqami 2773-2, 25.06.2018-y.) tahririda — Qonun hujjatlari ma’lumotlari milliy bazasi, 26.06.2018-y., 10/18/2773-2/1394-son)

8-bob. Tovarlarni vaqtinchalik olib kirish bojxona rejimiga joylashtirishda va ilgari vaqtinchalik olib kirish bojxona rejimiga joylashtirilgan tovarlarni qaytarib olib chiqishda BYuDni to‘ldirish