Tashqi iqtisodiy faoliyat. Bojxona / Bojxonaga oid qonun hujjatlari]

Oldingi tahrirga qarang.

6 raqami ostida (elektron BYuDda alohida aniqlashtirilgan jadvalda) O‘zbekiston Respublikasi Vazirlar Mahkamasining 2020-yil 31-dekabrdagi 833-son “Ayrim turdagi mahsulotlarni majburiy raqamli markirovkalash tizimi bosqichma-bosqich joriy etilishini ta’minlash chora-tadbirlari to‘g‘risida”gi qaroriga muvofiq alkogol va tamaki mahsulotlari uchun berilgan agregatsiyalangan bojxona kodi ko‘rsatiladi.

(25-band 26-kichik bandining yigirmanchi xatboshisi O‘zbekiston Respublikasi Davlat bojxona qo‘mitasining 2021-yil 21-iyundagi 01-02/15-35-sonli qarori (ro‘yxat raqami 2773-6, 19.07.2021-y.) tahririda — Qonunchilik ma’lumotlari milliy bazasi, 19.07.2021-y., 10/21/2773-6/0702-son — 2021-yil 20-oktabrdan kuchga kiradi)

Oldingi tahrirga qarang.

7 raqam ostida oziq ovqat mahsulotlari va dori vositalarining yaroqlilik (foydalanish) muddati ko‘rsatiladi. Elektron BYuDda ushbu ma’lumotlar alohida ajratilgan maydonchada ko‘rsatiladi;

(25-bandning 26-kichik bandi O‘zbekiston Respublikasi Davlat bojxona qo‘mitasining 2019-yil 22-fevraldagi 01-02/15-15-sonli qaroriga (ro‘yxat raqami 2773-3, 25.02.2019-y.) asosan o‘n sakkizinchi xatboshi bilan to‘ldirilgan — Qonun hujjatlari ma’lumotlari milliy bazasi, 25.02.2019-y., 10/19/2773-3/2664-son)

Oldingi tahrirga qarang.

8 raqami ostida quyidagi kodlar ko‘rsatiladi:

“101” — agar tovarlar O‘zbekiston Respublikasi Prezidentining qarori bilan tasdiqlangan Investitsiya dasturiga kiritilgan to‘g‘ridan to‘g‘ri xorijiy investitsiyalar ishtirokida amalga oshirilayotgan investitsiya loyihalari doirasida olib kirilayotgan bo‘lsa;

“102” — agar tovarlar O‘zbekiston Respublikasi Prezidentining qarori bilan tasdiqlangan Investitsiya dasturiga kiritilgan O‘zbekiston Respublikasi davlat kafolati ostida jalb qilingan xalqaro moliya tashkilotlari kredit mablag‘lari hisobidan amalga oshirilayotgan investitsiya loyihalari doirasida olib kirilayotgan bo‘lsa;

“103” — agar tovarlar O‘zbekiston Respublikasi Prezidenti qarori bilan tasdiqlangan Investitsiya dasturiga kiritilgan mazkur kichik bandning yigirmanchi va yigirma birinchi xatboshilarida nazarda tutilmagan investitsiya loyihalari doirasida olib kirilayotgan bo‘lsa;

“201” — agar Hukumat va viloyat hokimlari qarorlari bilan tasdiqlangan hududlarni rivojlantirish bo‘yicha to‘g‘ridan to‘g‘ri xorijiy investitsiyalar ishtirokida amalga oshirilayotgan investitsiya loyihalari doirasida olib kirilayotgan bo‘lsa;

“202” — agar Hukumat va viloyat hokimlari qarorlari bilan tasdiqlangan hududlarni rivojlantirish bo‘yicha mahalliy banklarning kredit mablag‘lari hisobidan amalga oshirilayotgan investitsiya loyihalari doirasida olib kirilayotgan bo‘lsa;

“203” — agar Hukumat va viloyat hokimlari qarorlari bilan tasdiqlangan hududlarni rivojlantirish bo‘yicha amalga oshirilayotgan mazkur kichik bandning yigirma uchinchi va yigirma to‘rtinchi xatboshilarida nazarda tutilmagan investitsiya loyihalari doirasida olib kirilayotgan bo‘lsa;

“301” — agar tovarlar mazkur kichik bandning yigirmanchi — yigirma beshinchi xatboshilarida nazarda tutilmagan investitsiya dasturi loyihasi doirasida olib kirilayotgan bo‘lsa;

“000” — agar tovarlar investitsiya dasturi loyihasiga aloqador bo‘lmasa.

9 raqami ostida TIF TNning 8401 — 8414 (8414 20 200 0, 8414 20 800 0, 8414 51 000 0 dan tashqari), 8415 (8415 10 100 0, 8415 10 900 0 dan tashqari), 8416 — 8418 (8418 10 — 8418 50 dan tashqari), 8419 — 8422 (8422 11 000 0 dan tashqari), 8423 (8423 10 100 0 dan tashqari), 8424 — 8450 (8450 11 — 8450 19 dan tashqari), 8451, 8452 (8452 10 dan tashqari), 8453 — 8466, 8474 — 8480, 8486, 8501 — 8504, 8514, 8515, 8526, 8530, 8531, 8537, 8538, 8543, 9006 — 9008, 9010 — 9016, 9018 (9018 31 100 1, 9018 31 100 9, 9018 31 900 1, 9018 31 900 9, 9018 32 100 0, 9018 32 900 0, 9018 39 000 0, 9018 49 100 0, 9018 49 900 0, 9018 90 500 1 dan tashqari), 9019, 9020, 9022 — 9024, 9027, 9030 — 9033 tovar pozitsiyalari bilan tasniflanuvchi texnologik asbob-uskunalarning qaysi soha uchun olib kirilayotganligi mazkur Yo‘riqnomaning 16-ilovasida keltirilgan Asosiy sohalar tasniflagichiga muvofiq uchta raqamdan iborat kodi ko‘rsatiladi. Agar tovar olib kirilayotgan soha Asosiy sohalar tasniflagichida belgilanmagan bo‘lsa “000” ko‘rsatiladi.

10 raqami ostida mazkur kichik bandning yigirma yettinchi xatboshisida nazarda tutilgan texnologik asbob-uskunalarning ishlab chiqarilgan yili, so‘ngra “/” belgisidan keyin texnik tasnifi ko‘rsatiladi.

Oldingi tahrirga qarang.

11 raqami ostida quyidagi kodlar ko‘rsatiladi:

“01” — import qilinayotgan tovar davlat xaridlari doirasida bo‘lsa;

“02” — import qilinayotgan tovar davlat xaridlari doirasida bo‘lmasa.

Tovarlarning bir qismi davlat xaridlariga aloqador bo‘lmagan hollarda ular alohida tovar sifatida deklaratsiyalanadi.

(25-bandning 26-kichik bandi O‘zbekiston Respublikasi Davlat bojxona qo‘mitasining 2020-yil 30-sentabrdagi 01-02/15-48-sonli qaroriga (ro‘yxat raqami 2773-5, 02.11.2020-y.) asosan o‘ttiz uchinchi — o‘ttiz oltinchi xatboshilar bilan to‘ldirilgan — Qonun hujjatlari ma’lumotlari milliy bazasi, 02.11.2020-y., 10/20/2773-5/1472-son — 2021-yil 3-fevraldan kuchga kiradi)

Oldingi tahrirga qarang.

Elektron BYuDda tovarga oid ma’lumotlar BYuDning formati va tuzilishidan kelib chiqib, alohida ajratilgan maydonchada ham ko‘rsatiladi.

(25-bandning 26-kichik bandi O‘zbekiston Respublikasi Davlat bojxona qo‘mitasining 2020-yil 30-sentabrdagi 01-02/15-48-sonli qaroriga (ro‘yxat raqami 2773-5, 02.11.2020-y.) asosan o‘ttiz yettinchi xatboshi bilan to‘ldirilgan — Qonun hujjatlari ma’lumotlari milliy bazasi, 02.11.2020-y., 10/20/2773-5/1472-son — 2021-yil 3-fevraldan kuchga kiradi)

Oldingi tahrirga qarang.

Grafaning pastki chap burchagida alohida ajratilgan maydonchada deklaratsiyalanayotgan tovarni iste’mol qiluvchi shaxsning STIRi (jismoniy shaxs bo‘lsa, JShShIRi), so‘ngra “/” belgisidan keyin yuridik manzili (jismoniy shaxsning doimiy yashash manzili) bo‘yicha tuman (shahar) kodi mazkur Yo‘riqnomaning 15-ilovasida keltirilgan O‘zbekiston Respublikasining tuman va shaharlari tasniflagichiga muvofiq ko‘rsatiladi.

Agar mazkur tovarning iste’molchisi noma’lum yoki iste’molchilar bir nechta bo‘lsa, ushbu tovarni qabul qilayotgan shaxsning STIRi (jismoniy shaxs bo‘lsa, JShShIRi) va tuman (shahar) kodi ko‘rsatiladi.

(25-band 26-kichik bandining o‘ttiz sakkizinchi va o‘ttiz to‘qqizinchi xatboshilar O‘zbekiston Respublikasi Davlat bojxona qo‘mitasining 2021-yil 21-iyundagi 01-02/15-35-sonli qarori (ro‘yxat raqami 2773-6, 19.07.2021-y.) tahririda — Qonunchilik ma’lumotlari milliy bazasi, 19.07.2021-y., 10/21/2773-6/0702-son — 2021-yil 20-oktabrdan kuchga kiradi)

Grafaning pastki o‘ng burchagida alohida ajratilgan joyda tovarlarning qo‘shimcha o‘lchov birligidagi miqdori va o‘lchov birligining TIF TNga muvofiq shartli belgilanishi ko‘rsatiladi (qo‘shimcha o‘lchov birligining kodi 41-grafada aks ettiriladi). Elektron BYuDda o‘lchov birligining shartli belgilanishi ko‘rsatilmasdan, faqatgina tovarlarning qo‘shimcha o‘lchov birligidagi miqdori yoziladi.

Tovarlarning qo‘shimcha o‘lchov birligidagi miqdori verguldan keyingi ikkinchi belgigacha aniqlikda ko‘rsatiladi.

Agar qo‘shimcha o‘lchov birligidagi tovar miqdori “0,01” dan kam bo‘lsa grafada tovarning qo‘shimcha o‘lchov birligidagi miqdori verguldan keyingi oltinchi belgigacha aniqlikda ko‘rsatiladi.

Faqatgina asosiy o‘lchov birligi “kg” qo‘llanilgan holatlarda — grafaning pastki o‘ng burchagi to‘ldirilmaydi.

Oldingi tahrirga qarang.

(25-bandning 26-kichik bandi yigirma uchinchi va yigirma to‘rtinchi xatboshilari O‘zbekiston Respublikasi Davlat bojxona qo‘mitasining 2019-yil 22-fevraldagi 01-02/15-15-sonli qaroriga (ro‘yxat raqami 2773-3, 25.02.2019-y.) asosan chiqarilgan — Qonun hujjatlari ma’lumotlari milliy bazasi, 25.02.2019-y., 10/19/2773-3/2664-son)