Tashqi iqtisodiy faoliyat. Bojxona / Bojxonaga oid qonun hujjatlari]

1) 9-grafa. “Moliyaviy tartibga solish uchun javobgar shaxs”.

Grafada, mazkur Yo‘riqnomaning 22-bandida belgilangan tartibda, tovarlarni erkin omborga joylashtirgan shaxs to‘g‘risidagi ma’lumotlar ko‘rsatiladi;

2) 17-grafa. “Kelib tushadigan mamlakat”.

Grafada “O‘zbekiston” yozuvi ko‘rsatiladi.

3) 17a-grafa. “Kelib tushadigan mamlakat kodi”.

Grafada Dunyo mamlakatlari tasniflagichiga muvofiq O‘zbekiston Respublikasining raqamli kodi ko‘rsatiladi.

4) 44-grafa. “Qo‘shimcha ma’lumotlar/taqdim etilayotgan hujjatlar”.

Grafa mazkur Yo‘riqnomaning 22-bandiga muvofiq, quyidagi o‘ziga xos xususiyatlarni inobatga olgan holda to‘ldiriladi:

grafada qo‘shimcha ravishda, 810 tartib raqami ostida, tovarlarni erkin omborga joylashtirayotgan shaxs va erkin ombor egasi o‘rtasidagi bitim raqami va sanasi ko‘rsatiladi;

5) 45-grafa. “Bojxona qiymati”.

Grafada mazkur Yo‘riqnomaning 22-bandiga muvofiq tovarlarning bojxona qiymati tashqi savdo kontrakti (shartnomasi, kelishuvi) valyutasida ko‘rsatiladi. Tashqi savdo kontrakti (shartnomasi, kelishuvi) bo‘lmagan holatlarda tovarning bojxona qiymati tovarning kuzatuv hujjatlarida ko‘rsatilgan valyutada keltiriladi.

Bojxona qiymati BYuDni taqdim etish vaqtida mutaxassisda mavjud hujjatlar va ma’lumotlar asosida aniqlanadi.

BYuDni taqdim etish vaqtida tovarning bojxona qiymatini aniqlash uchun zarur hujjatlar va ma’lumotlar mavjud bo‘lmasa, bojxona qiymati sifatida 42-grafada ko‘rsatilgan tovarning faktura qiymati qabul qilinadi;