Tashqi iqtisodiy faoliyat. Bojxona / Bojxonaga oid qonun hujjatlari]

§-3. Avval erkin bojxona zonasi bojxona rejimiga joylashtirilgan tovarlarni O‘zbekiston Respublikasi hududidan tashqariga olib chiqishda BYuDni to‘ldirish

52. Avval erkin bojxona zonasi bojxona rejimiga joylashtirilgan tovarlarni O‘zbekiston Respublikasi hududidan tashqariga olib chiqish quyidagi tartibda amalga oshiriladi:

chet el tovarlarini olib chiqish — reeksport bojxona rejimida, mazkur Yo‘riqnomaning 6-bobiga muvofiq to‘ldirilgan BYuDni taqdim etgan holda;

O‘zbekiston tovarlarni olib chiqish — eksport bojxona rejimida, mazkur Yo‘riqnomaning 4-bobiga muvofiq to‘ldirilgan BYuDni taqdim etgan holda.

§-4. Avval erkin bojxona zonasi bojxona rejimiga joylashtirilgan tovarlarni O‘zbekiston Respublikasi bojxona hududiga olib kirishda BYuDni to‘ldirish

53. Avval erkin bojxona zonasi bojxona rejimiga joylashtirilgan O‘zbekiston tovarlarini O‘zbekiston Respublikasi bojxona hududiga o‘zgarmagan holda olib kirish reimport bojxona rejimida, mazkur Yo‘riqnomaning 7-bobiga muvofiq to‘ldirilgan BYuDni taqdim etgan holda amalga oshiriladi.

54. Avval erkin bojxona zonasi bojxona rejimiga joylashtirilgan chet el tovarlarini o‘zgarmagan holda hamda erkin bojxona zonasi hududida ishlab chiqarilgan tovarlarni O‘zbekiston Respublikasi bojxona hududiga olib kirish deklarant tomonidan tanlangan bojxona rejimida, mazkur Yo‘riqnomaga muvofiq to‘ldirilgan BYuDni taqdim etgan holda amalga oshiriladi.

55. Avval erkin bojxona zonasi bojxona rejimiga joylashtirilgan tovarlarni O‘zbekiston Respublikasi bojxona hududiga olib kirishda BYuDning 2, 15, 15a-grafalarining to‘ldirilishi quyidagi o‘ziga xos xususiyatlarga ega: