«tasdiqlayman» Urganch tumani tarmoqli texnikumi direktori Z. Saidniyozova

Elektr qarshilikning birligi. Elektr qarshilik birligi bo'lgan 1 Om deb shunday o'tkazgichning qarshiligi qabul qilinganki, uning uchlaridagi kuchlanish 1 volt bo'lganda undagi tok kuchi 1 amper bo'ladi.



REZISTORLAR. REOSTATLAR. KUCHLANISHNI TAQSIMLAGICHLAR

Hozirgi zamon texnikasida o'tkazgichlarning zanjirdagi tokni cheklash xossasiga asoslangan detal va asboblar keng qo'llaniladi. Bu asboblarning hisobi Om qonuniga asoslangan. Shu turdagi eng keng tarqalgan asboblar bilan tanishamiz.

50-rasm

1. 
   Rezistorlar –elektro va radiotexnikada, avtomatikada va elektronikada keng foydalaniladigan detallardir. Eng sodda rezistor (50-rasm) yonmaydigan materialdan yasalgan karkas 1 dan, karkasga o'ralgan katta solishtirma qarshilikli sim 2 dan zanjirga ulanadigan uchlardan iborat. Ko'pincha metall o'tkazgich o'rniga solishtirma qarshiligi katta bo'lgan boshqa materiallardan foydalaniladi. Bu holda bunday materialdan karkasga surtilgan o'tkazuvchi parda tok o'tkazmaydigan materialdan qilingan himoya qatlami bilan qoplanadi (51-a,b rasmlar). Elektro- va radiotexnika sxemalarda rezistor 51-d, e rasmda ko'rsatilgandek belgilanadi. Shartli belgi yoniga, odatda, rezistorning nomeri (masalan, R1, R2 va hokazo) yoki qarshiligining omlarda, kiloomlarda (1 kiloom=1000 Om), yoki megaomlarda (1 megaom = 1 000 000 Om) ifodalangan qiymati qo'yiladi. Bundan tashqari, rezistorlarga boshqa belgilar ham qo'yiladi, biroq ular haqida keyinroq gapiriladi.