Tasdiqlayman” O‘zbekiston velosiped sporti federatsiyasi bosh kotibi

IX. Musobaqa natijalari yuzasidan berilgan
murojaatlarni ko‘rib chiqish

29. Musobaqa natijalari bo‘yicha berilgan murojaatlarni ko‘rib chiqish uchun federatsiyaning ijroiya qo‘mitasi tomonidan ko‘rib chiqib qaror qabul qilinadi.

30. Musobaqa natijasi bo‘yicha murojaatlar jamoaning treneri tomonidan poyga tugagandan so‘ng musobaqa bosh hakamiga taqdim etiladi.
31. Berilgan murojaatlar federatsiyaning ijroiya ko‘mitasi tomonidan o‘rganib chiqilib, ular yuzasidan tegishli qaror qabul qilinishi bir ish kunida belgilanadi.
32. Qabul qilingan qaror natijasi bo‘yicha ijroiya qo‘mitasi tomonidan murojaat qilgan trenerga bir ish kuni ichida yozma (yoki og‘zaki) tartibda javob berilishi ma’lum qilinadi.
33. Federatsiyaning ijroiya qo‘mitasi murojaatni ko‘rib chiqish natijalariga ko‘ra musobaqa natijasini bekor qilishi yoki unga tegishli o‘zgartirish kiritishi mumkin.
34. Federatsiyaning ijroiya qo‘mitasi murojaatni ko‘rib chiqish natijalari bo‘yicha qabul qilgan qarori yuzasidan qonun hujjatlarida belgilangan tartibda shikoyat qilinishi mumkin.


X. Musobaqa g‘olib va sovrindorlarini
taqdirlash

35. Musobaqaning g‘olib jamoalari federatsiya tomonidan ko‘chma kubok bilan taqdirlanadi.

36. Musobaqaning g‘olib va sovrindorlari O‘zbekiston Respublikasi Vazirlar Mahkamasining 2011 yil 27 apreldagi “Terma jamoalar hamda ularning zahirasini sport musobaqalariga tayyorlashni, shuningdek ularni moddiy jihatdan qo‘llab-quvvatlash tartibini takomillashtirish chora-tadbirlari to‘g‘risida”gi 121-son qarori bilan tasdiqlangan “Terma jamoalar hamda ularning zaxirasi sportchilari va trenerlarining energiya sarflarini qoplashga va jismoniy resurslarini tiklash uchun maqsadli pul (moliyaviy) mablag‘larini sarflash tartibi to‘g‘risida” NIZOMning 18 va 19 bandiga asosan vazirlik tomonidan, ayrim hollarda sport federatsiya (assotsiatsiya) va homiylar tomonidan taqdirlanishi mumkin.


XI. Yakuniy natijalar tahlili

37. Federatsiya o‘tkazilgan musobaqalar to‘g‘risida vazirlik tomonidan tasdiqlangan hisobot shakli bo‘yicha vazirlikka musobaqa tugagandan so‘ng 3 kun muddat ichida musobaqaning yakuniy natijalari yuzasidan moliyaviy va texnik hisobotlarni taqdim etadi.