Tasdiqlayman” O‘zbekiston velosiped sporti federatsiyasi bosh kotibi

“TASDIQLAYMAN” O‘zbekiston velosiped sporti federatsiyasi bosh kotibi ___________K.O‘rinboyxojaev “____” ____________2022 yil

“KELIShILGAN” O‘zbekiston Respublikasi turizm va sport vazirining birinchi o‘rinbosari _______________ A.Karimov “____” _____________2022 yil

Sportning velosport-shosse, velosport-trek, velosport-MTB, velosport-BMX turlari bo‘yicha O‘zbekiston chempionatlari, O‘zbekiston kubogi hamda Respublika turnirlari musobaqalarini o‘tkazish to‘g‘risidagi


NIZOM


Toshkent-2022
Sportning velosport-shosse, velosport-trek turlari bo‘yicha O‘zbekiston chempionatlari, O‘zbekiston kubogi hamda Respublika turniri musobaqalarini o‘tkazish to‘g‘risidagi


NIZOM

Mazkur Nizom velosport sport turi bo‘yicha respublika sport musobaqalarining (bundan buyon matnda musobaqa deb yuritiladi) maqsadi

asosiy vazifalari, sport musobaqalari jarayonini tashkil etish
va boshqarish, o‘tkazishga rahbarlik qilish, moliyalashtirish, shuningdek musobaqa chempioni g‘olibi va sovrindorlarini taqdirlash tartibini belgilaydi.


I. Umumiy qoidalar

1. Musobaqalarda Qoraqalpog‘iston Respublikasi, Toshkent shahar

va viloyatlar terma jamoalari, velosport klublari va huquqni himoya qiluvchi organ xodimlaridan shakllangan terma jamoalar ishtirok etishlari mumkin.
2. Musobaqalar xalqaro velosipedchilar Ittifoqi (UCI) tomonidan tasdiqlangan musobaqa qoidalariga asosan o‘tkaziladi va hakamlar hay’ati tomonidan baholanadi. Musobaqani o‘tkazish uchun hakamlar hay’ati tarkibi O‘zbekiston Respublikasi turizm va sport vazirligi (bundan buyon matnda vazirlik deb yuritiladi) tomonidan tasdiqlanadi.
3. Musobaqalarni o‘tkazish jarayonida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, mazkur Nizomga hamda boshqa qonun hujjatlariga amal qilinadi.