Tasdiqlayman” O‘quv ishlari bo‘yicha prorektor “tasdiqlayman” O‘quv ishlari bo‘yicha prorektor

13-Mavzu. NAMGA CHIDAMLILIK SINOVLARI

Reja:

13.1. Namga chidamlilik sinovlari

13.2. Tuman ta’siri sinovlari

13.3. Atmosfera bosimi ta’siri sinovlari

13.1. Namga chidamlilik sinovlari

Namga chidamlilik sinovlari uchun kerak bo‘ladigan asboblar. Bu sinovlar uchun zarur bo‘ladigan havoning kerakli namlik darajasi quyidagi usullar bilan olish mumkin: ochiq, havo erkin ochiq yuza bilan uchrashganda; yopiq, ya’ni havo aylanishi yopiq namlantiruvchi uskuna orqali amalga oshiriladi. Bu usul juda oson, biroq uning amaliyotda ishlatilishi suv va havoning haroratlarini doimiy ravishda har xil ushlab turish kerakligi, shuningdek, psixomerik har xillikda haroratni regulirovka qilish aniqligi bilan cheklanadi. Haroratning yuqori namlikda va yuqori haroratda (40 dan 70 ^O S gacha) 0.5 ^O S dan pasayishi shudring tushishiga olib kelishi mumkin, bu esa o‘z navbatida kamchilik hisoblanadi. Bunday issiqlik va namlik kamerasi 13.1.a rasmida ko‘rsatilgan.

Kamera ichida 3 isitgich joylashtirilgan. 8 suvli vannada joylashtirilgan isitgich suvni isitadi va shu suv kameraning ichidagi havoni namlantiradi. Ventilyator 6 havoning majburiy aylanishini ta’minlab beradi. Kontakt termometri 7 namlantirgichning havoni avtomatik regulirovka qilish sxemasiga qo‘shilgan. Xuddi shu sxemaga namlantirgichning 4 isitgichi qo‘shilgan. Kamerada haroratni regulirovka qilish tizimi yuqorida ko‘rib chiqilganlardan farq qilmaydi, shuning uchun bu sxemada ko‘rsatilmagan. Kameradagi namlikni psixometr 5 bilan amalga oshirishadi.

YOpiq usul havoning aylanishi namlantirish uskunasi orqali amalga oshirilishi bilan tavsiflanadi, u kamerani namlik tarkibini va atmosferaning haroratini yopiq davriylikda aylanayotgan havo miqdorini o‘zgartirish va uning qizdirish darajasi hisobiga regulirovka qilish imkonini beradi. Namlantirgichda havo yo suv qatlami (13.1.6 rasm), yo sepilayotgan suv bilan qo‘shilib namlanadi (13.1.v rasm). 13.1.b rasmida ko‘rsatilgan kamerada markaziy nasos 6 namlantirgichning suv qatlami va kameraning ish bo‘shlig‘i orqali majburiy havo aylanishini ta’minlab beradi. 13.1.v rasmida ko‘rsatilgan kamerada markaziy nasos 6 suv sepilib turadigan 4 uskuna orqali havoning majburiy aylanishini ta’minlab beradi.