|
Multimediyali vositalar- turli tipdagi axborotlarni: matn, rasm, sxema, jadval, diagramma va boshqalarni yaratish, saqlash, ishlov berish va raqamlashtirilgan ko‘rinishida amalga oshirishning kompyuterli vositalar.
«Muloqot» - talaba (yoki o‘quvchi)larni dars jarayonida diqqatinio‘ziga jalb etish, hamkorlikda faoliyat ko‘rsatish, uni tashkil etishnio‘rgatishga qaratilgan.
Nazariya - tafakkurning barcha bosqichlaridan o‘tgan va amaliyotda sinab ko‘rilib maromiga yetkazilgan bilimlar majmuiga aytiladi.
Nazariy bilim — empirik holatlarni tasvirlash, tushuntirish, ya’ni narsa-hodisalar mohiyatini bilish imkonini beradigan qonunlarni ochishni nazarda tutadi.
Pedagogika — ta’lim va tarbiyaning nazariy va amaliy masalalarini o’rganuvchi fan. U barkamol insonni voyaga yetkazish maqsadlariga xizmat qiladi.
Pedagogik muhit – ta’lim-tarbiya maqsadlariga muvofiq ravishda tuzilgan shaxslararo munosabatlar majmui.
Pedagogik muloqot – bevosita ta’lim-tarbiya bilan bog‘liq muloqot turi.
Pedagogik tajriba - ta’lim-tarbiya beruvchi tomonidan ma’rifatning tamoyillari va ta’lim-tarbiya berishning muayyan usul va uslublarini to‘liqo‘zlashtirish hamda ularni amalda qo‘llashdagi real shart-sharoitlarni, bolalar jamoasi va har bir shaxsning o‘ziga xosliklarini hisobga olgan holda amaliyotda tatbiq etishdir.
Pedagogik tamoyillar– o‘qituvchi va o‘quvchi orasidagi munosabatda beriladigan bilim turi, hajmi va mazmuni, shuningdek o‘quv qurollari va tarbiyalanuvchilarning ruhiy xususiyatlari va shular oralaridagi zaruriy bog‘liqlik (qonuniyat)lardan kelib chiqqan qoidalar.
Pedagogik texnologiya - ta’lim va tarbiya jarayoniga yangicha yondashuv bo‘lib, pedagogikada ijtimoiy-muhandislik ong ifodasidir. U pedagogik jarayonni texnikaviy tafakkur asosida standart holga solib, uning optimal loyihasini tuzib chiqish bilan bog‘liq tushunchadir.Birlashgan Millatlar Tashkilotining nufuzli idoralaridan YUNESKOning ta’rifi bo‘yicha, «PEDAGOGIKTEXNOLOGIYA – bu bilim berish va uni egallashda texnika va inson resurslarini o‘zaro uzviy bog‘liq holda ko‘rib, butun ta’lim jarayonini loyihalashda va amalda qo‘llashda majmuli yondashuv usulidan foydalanishdir».
Pedagogik texnologiya — eng qisqa va umumlashtirilgan ta’rifi: barkamol insonni shakllantirish faoliyati.
Shu bilan birga pedagogik texnologiyaning keng ko’lamli, serqirra tushuncha ekanligini hisobga olgan holda uning quyidagi yana bir nechta ta’riflarini taklif qilishimiz mumkin:
Pedagogik texnologiya — axborotlarni o’zlashtirish, ulardan amalda foydalanish, ulardagi yangi ma’no-mazmunlarni ochish hamda axborotlar orasidagi yangi borliqliklarni ochish orqali yangi axborotlar yaratishga o’rgatish jarayonidan iborat.Pedagogik texnologiya — ta’lim metodlari, usullari, yo’llari hamda tarbiyaviy vositalar yig’indisi, u pedagogik jarayonning tashkiliy-usubiy vositalari majmuidir.
Pedagogik texnologiya — bu o’z oldiga ta’lim shakllarini optimallashtirish vazifasini qo’yuvchi, butun o’qitish va bilimlarni o’zlashtirish jarayonini texnikaviy va odam resurslarini va ularning o’zaro munosabatlarini hisobga olgan holda yaratish, qo’llash va aniqlashning tizimli metodidir.
Pedagogik texnologiya — ma’lumotlarni o’zlashtirishni ta’minlash uchun qulay shakl va usulda uzatish va o’zlashtirish jarayonidan iborat.
Demak, pedagogik texnologiya — insonga (ta’lim-tarbiya oluvchiga) oldindan belgilangan maqsad bo’yicha ta’sir o’tkazish faoliyatidan iborat.
Pedagogik texnologiya — o’quvchini mustaqil o’qishga, bilim olishga, fikrlashga o’rgatishni kafolatlaydigan jarayondir.
Pedagogik texnologiya — o’qituvchi rahbarligida o’quvchining mustaqil ravishda bilim olishi, o’rganishi, o’zlashtirishi jarayoni.
Bu faoliyatni amalga oshirish uni tashkil qilish, olib borish, takomillashtirish, tahlil qilish, qiyoslash, umumlashtirish, xulosa chiqarish, boshqarish, nazorat, baholash kabi jarayonlarni o’z ichiga oladi.Bu faoliyat boshqa hamma faoliyatlarga xos bo’lgan belgilarga ega bo’lib, avvalo, jarayon ko’rinishida amalga oshiriladi va shu ko’rinishda mavjud bo’ladi. Shu bilan birga bu jarayon o’ziga xos qonuniyatlarga ega bo’lib, bu qonuniyatlarni insoniyat tomonidan o’rganish davom etmoqda.
Perseptiv qobilyat - o’quvchining ruhiy holatini his qilish, tushuna olish orqali yuzaga chiqariluvchi qobilyat.
Do'stlaringiz bilan baham: |
