Tasdiqlayman” O'quv ishlari bo'yicha prorektor S. Xodjaniyozov

Seminar mashg‘ulotlari, o‘quv ekskursiyalari.
Seminar mashg‘ulotlari asosan oliy o‘quv yurtlarida ko‘proq foydalaniladigan dars shakllaridan biri bo‘lib, bunda ko‘proq talabalarning bilimini nazorat qilish, tekshirish va baholash jarayonlari olib boriladi.
Seminar jarayonini oldindan loyihalashtirishda bu jarayon mavzusining o‘ziga xosligi, joy va sharoiti, katnashchilarining imkoniyati va extiyoji hamda hamkorligidagi faolligini tashkil eta olish hisobga olinishi kerak. SHunda kafolatlangan natijaga erishish mumkin. Bunda har bir pedagog seminar-o‘qish texnologiyasiga reja tuzib olish maqsadga muvofiq. Seminar mashg‘ulotlarini olib borish jarayonida ko‘proq bahs-munozara, turli xil treninglar, metodlar orqali o‘tilsa, darsga talabalarning qiziqishlari kuchayadi, hamda natija ham samarali bo‘ladi.
Ma’ruza haqida tushuncha va uning asosiy vazifalari.
Ma’ruza– o‘quv materiallarini og‘zaki bayon qilish usuli. Odatda bu usul video, ko‘rgazma namoyish qilish bilan olib boriladi. Ma’ruza katta xajmdagi o‘quv materiallariga nisbatan uzoq vaqt davomida monolog bayon etish. Bu usulning asosiy vazifasi ta’lim berish, o‘rgatish.
Ushbu usulning samaradorligi quyidagi holatlarda ijobiy samara beradi:

• 
  Ma’ruza qilishda uning mazmunini chuqur ilmiy-g‘oyaviy ketma-ket bo‘lishi;
  
• 
  Tushunarli, hissiyotga boy va sodda tilda yoritilishi;
  
• 
  Yosh va ruhiy holatlarini hisobga olgan holda qiska savol-javob o‘tkatish;
  
• 
  Reja tuzish va har bir reja bayonidan so‘ng xulosalash;
  
• 
  Muammoni bayon qilish;
  
• 
  Yozib olish, zarur bo‘lgan joylarni ajratib ko`rsatish; Tayyorgarlik ko‘rish uchun;
  
• 
  Mavzu, maqsad va dolzarb muammolarni aniqlash;
  
• 
  Adabiyotlar bilan tanishishi;
  
• 
  Jixozlar, ta’lim vositalarini tashkil etish;
  

Ma’ruza-kirish, bayon, xulosadan iborat bo‘lishi kerak. Tinglovchilarni qiziqtirish uchun kirish qismiga puxta tayyorgarlik ko‘rish lozim. Ma’ruzaning kirish qismi vaqtida tinglovchilar tomonidan olinadigan dastlabki ma’lumot miyani ma’ruza davomida beriladigan axborotni qabul qilib olishga tayyorlaydi, Ma’ruzachi bildiradigan barcha fikrlar ishtirokchi tomonidan faqat o‘zlashtirilib kolmay, balki yana ijodiy tarzda qayta ishlashi hamda o‘z qarashi bo‘lib qolishi kerak. Bayon ikki-uch qismdan iborat bo‘ladi. YAkuniy qism esa belgilangan mavzu yuzasidan qiska xulosalar yoki uning g‘oyasini ta’riflab berishga qaratiladi.
Ma’ruzada savol berib, tinglovchilarning javoblaridan foydalanib, vaqtincha erkin fikr almashishga ruxsat etib, kundalik xayotdan misol keltirib ularni savol berishga undab. ilgari o‘rganilgan fakt va vaziyatlarni yangilari bilan taqqoslash bilan amalga oshirsa bo‘ladi.