Tasdiqlayman” O'quv ishlari bo'yicha prorektor S. Xodjaniyozov

Birinchidan, darsliklar “Ta’lim to‘g‘risida”gi qonun, «Kadrlar tayyorlash milliy dasturi» talablaridan kelib chiqqan holda tayyorlanishi kerak.

Xususan, darsliklar ta’lim sohasidagi davlat siyosatining asosiy prinsiplari bo‘lmish: ta’lim bilan tarbiyaning insonparvarligi, demokratik xarakterda ekanligi, ta’limning uzluksizligi va uzviyligi, ta’lim tizimining dunyoviy xarakterda ekanligi to‘g‘risidagi printsplariga asoslangan bo‘lishi lozim.

Ikkinchidan, darsliklar, shu jumladan, umumiy o‘rta ta’lim maktablari va o‘rta maxsus kasb hunar kollejlarining Milliy g‘oya darsliklari O‘zbekitson Respublikasi Vazirlar Mahkamasining 1998 yil 13 maydagi 203-sonli qarori bilan tasdiqlangan Milliy g‘oya ta’lim standartiga mos holda yozilgan bo‘lishi lozim. Mazkur ta’lim standartida Milliy g‘oya ta’limining maqsadi va vazifalari, ta’lim mazmunining majburiy minimumi, bitiruvchilarning tayyorgarlik darajasiga qo‘yiladigan minimal talablar berilgan.

Akademik litsey, kasb-hunar kollejlari uchun yozilgan Milliy g‘oya darsligi O‘zbekiston Respublikasi Vazirlar Mahkamasining 2000 yil 16 oktyabrdagi 400-sonli qarori bilan hamda oliy o‘rta maxsus ta’lim vazirligi hay’atining 2001 yil 3 avgust 7/3- sonli qarori bilan tasdiqlangan ta’lim standarti asosida yozilgan.

Uchinchidan, o‘quv dasturi unga asoslangan darslik – Milliy g‘oya fanining so‘nggi yutuqlarini o‘zida aks ettirishi lozim.

To‘rtinchidan, ta’lim bilan birgalikda, tarbiyani o‘quvchilar ongiga singdirish lozim.

O‘rta, o‘rta maxsus, kasb-hunar ta’limi tizimi uchun quyidagi o‘quv qo‘llanmalari va darsliklar yaratilgan:

• 
  1. A.Ibrohimov, X.Sultonov, N.Jo‘raev qalamiga mansub «Vatan tuyg‘usi» qo‘llanmasi (T., «O‘zbekiston», 1996) 5-6 sinflar uchun mo‘ljallangan bo‘lib uch qismdan, 10 bobdan iborat. 5-6 sinflar uchun barcha ma’lumotlar etarli.
  
• 
  2. S.Nishonova, O.Musurmonova, M.Qarshiboev muallifligidagi 7- sinflar uchun «Milliy istiqlol g‘oyasi va ma’naviyat asoslari» o‘quv qo‘llanmasi (T., «Ma’naviyat», 2002) 16 fasldan iborat. Milliy g‘oyaga 8 ta mavzu berilgan.
  
• 
  3. M.Qarshiboev, S.Nishonova, O.Musurmonova tomonidan tayyorlangan 8- sinflar uchun «Milliy istiqlol g‘oyasi va ma’naviyat asoslari» o‘quv qo‘llanmasi (T., «Ma’naviyat», 2002) XVI fasldan iborat. Milliy g‘oyaga 9 ta mavzu ajratilgan.
  
• 
  4. O.Musurmonova, M.Karshiboev muallifligida yaratilgan 9-sinflar uchun «Milliy istiqlol g‘oyasi va ma’naviyat asoslari» o‘quv qo‘llanmasi (T., «Ma’naviyat», 2003) 19 fasldan iborat. Milliy g‘oyaga 8 ta mavzu berilgan.
  
• 
  5. X.Sultonov rahbarligidagi ijodiy guruh tomonidan X-XI sinflar uchun mo‘ljallangan «Milliy istiqlol g‘oyasi: asosiy tushuncha va tamoyillar» o‘quv qo‘llanmasi (T., «O‘zbekiston faylasuflari milliy jamiyati» nashriyoti, 2004) uch qism va 28 mavzudan iborat.
  
• 
  6. X.Sultonov rahbarligidagi ijodiy guruh tomonidan o‘rta maxsus, kasb-hunar ta’limi tizimi uchun yaratilgan «Milliy istiqlol g‘oyasi: asosiy tushuncha va tamoyillar» o‘quv qo‘llanmasi (T., «YAngi asr avlodi» , 2001) 12 ta nazariy va 12 ta amaliy mashg‘ulotdan iborat bo‘lib milliy istiqlol g‘oyasi bo‘yicha asosiy masalalarni qamrab olgan.
  
• 
  7. X.Sultonov rahbarligidagi ijodiy guruh tomonidan o‘rta maxsus, kasb-hunar ta’limi tizimi uchun tayyorlangan «Milliy istiqlol g‘oyasi: asosiy tushuncha va tamoyillar» darsligi (T., «O‘zbekiston faylasuflari milliy jamiyati» , 2003) uch qism 13 ta nazariy, 12 ta amaliy, 2 ta qo‘shimcha va ixtiyoriy mavzular hamda asosiy tushuncha va atamalarning qisqacha lug‘atidan iborat.
  
• 
  8. Q.Nazarov rahbarligida ijodiy guruh tomonidan o‘rta maxsus, kasb-hunar ta’limi tizimi uchun yaratilgan «Milliy istiqlol g‘oyasi: asosiy tushuncha va tamoyillar» o‘quv qo‘llanmasi (T., «Faylasuflar milliy jamiyati» , 2003,2009, 2010) 14 ta nazariy va 12 ta amaliy mashg‘ulotdan iborat bo‘lib milliy istiqlol g‘oyasi bo‘yicha asosiy masalalarni qamrab olgan.