Tasdiqlayman” Kasbi tuman 2 – son kasb-hunar maktabi direktori: O. T. Maxmudov

Elektron taqvim. U jadval prosessoridan iborat, ma’lumotlarni tarmoq bo’ylab uzatish vositasiga ega bo’lib, tashkilot boshqaruvchilari va boshqa xodimlarining ish jadvalini saqlash va ular bilan turli harakatlarni amalga oshirish uchun komp’yuterning tarmoq variantidan foydalanishning yana bitta imkoniyatidir. Menejer (yoki uning kotibasi) uchrashuv yoki boshqa bir tadbir sanasi va vaqtini belgilaydi, hosil bo’lgan ish jadvalini ko’rib chiqadi, klaviatura yordamida o’zgartirishlar kiritadi. Elektron taqvimning texnika va dasturiy ta’minoti elektron pochtaning ana shunday komponentlari bilan to’la mos keladi. Bundan tashqari, taqvimning dasturiy ta’minoti aksariyat hollarda elektron pochta dasturiy ta’minotining bir qismi hisoblanadi. Tizim qo’shimcha ravishda boshqa menejerlarning taqvimlariga ham erkin kirish imkonini beradi. U ularning o’z jadvallari bilan avtomatik tarzda uchrashuvlar vaqtini kelishishi ham mumkin. Elektron taqvimdan foydalanish ish kunlari ancha oldindan rejalashtirib qo’yiladigan yuqori boshqaruv darajasidagi menejerlar uchun ayniqsa samaralidir.
Кomp’yuter konferensiyalari muayyan muammoni hal qilayotgan guruh ishtirokchilari axborot bilan almashinish uchun komp’yuter tarmog’idan foydalanadi. Tabiiyki, bu texnologiyadan foydalanish huquqiga ega bo’lgan shaxslar doirasi cheklangan bo’ladi. Кomp’yuter konferensiyasi ishtirokchilari soni audio– va videokonferensiyalar ishtirokchilari sonidan ancha ko’p bo’lishi mumkin. Adabiyotlarda telekonferensiya atamasini ko’p uchratish mumkin. Telekonferensiya o’z ichiga konferensiyalarning uch turini: audio, video va komp’yuter konferensiyalarini oladi.
Audiokonferensiyalar. Ular firmaning hududiy jihatdan uzoqda joylashgan xodimlari yoki bo’linmalari o’rtasida kommunikasiyalarni saqlab turish uchun audioaloqadan foydalanadi. Audiokonferensiyalarni o’tkazishning eng oddiy texnika vositasi so’zlashuvda ikkitadan ko’p ishtirokchi qatnashuvini ta’minlaydigan qo’shimcha qurilmalar bilan jihozlangan telefon aloqasi hisoblanadi. Audiokonferensiyalarni tashkil etish komp’yuter bo’lishini talab etmaydi, faqatgina uning ishtirokchilari o’rtasida ikki tomonlama audioaloqadan foydalanishni ko’zda tutadi. Audiokonferensiyalardan foydalanish qarorlar qabul qilish jarayonini engillashtiradi, u arzon ham qulay.