Tasdiqlayman” Kasbi tuman 2 – son kasb-hunar maktabi direktori: O. T. Maxmudov

Avtomatlashtirilgan ofisning axborot texnologiyasi– axborot bilan ishlash va uni uzatishning komp’yuterlar tarmog’i va boshqa zamonaviy vositalari bazasida ham tashkilot ichida, ham undan tashqarida kommunikasiya jarayonlarini tashkil etish va saqlab turishdan iborat. Ofisning avtomatlashtirilgan texnologiyalaridan boshqaruvchilar, mutaxassislar, kotibalar va idora xizmatchilari foydalanadilar, ular ayniqsa muammolarni guruh bo’lib hal qilishda juda qulaydir
Ma’lumotlar bazasi. Har qanday texnologiyaning majburiy komponenti ma’lumotlar bazasidir. Avtomatlashtirilgan ofisda ma’lumotlar bazasi o’z ichida operasion darajada ma’lumotlarga ishlov berish texnologiyasi kabi firmaning ishlab chiqarish tizimi to’g’risidagi ma’lumotlarni to’playdi. Ma’lumotlar bazasiga axborot firmadan tashqaridan ham tushishi mumkin. Mutaxassislar ma’lumotlar bazasi muhitida ishlash bo’yicha asosiy texnologik operasiyalarni egallagan bo’lishlari zarur. Har kuni elektron pochta orqali birjadan valyuta kurslari yoki qimmatli qog’ozlar kodirovkasi, shuningdek ushbu firmaning aksiyalari to’g’risida ma’lumotlar kelib tushishi mumkin. Ular bo’yicha ma’lumotlar bazasining tegishli massivlariga har kuni tuzatishlar kiritib boriladi. Ma’lumotlar bazasidan axborot matnli prosessor, jadvalli prosessor, elektron pochta, komp’yuter konferensiyalari kabi komp’yuter ilovalari (dasturlari)ning kirishiga uzatiladi
Matnli prosessor - matnli hujjatlarni yaratish va ishlov berish uchun mo’ljallangan amaliy dasturiy mahsulot turidir. U so’zlarni qo’shish yoki olib tashlash, gaplar va xat boshilarni boshqa joyga ko’chirish, format belgilash, matn elementlari va rejimlari bilan turli harakatlarni amalga oshirish imkoniyatini beradi. Hujjat tayyor bo’lganida xodim uni tashqi xotiraga yozib qo’yadi, so’ngra bosmadan chiqaradi va zaruriyat bo’lsa komp’yuter tarmog’i bo’yicha uzatadi. Shunday qilib, menejer ixtiyorida yozma kommunikasiyaning samarali turi bo’ladi. Matnli prosessor yordamida tayyorlangan xatlar va ma’ruzalarni muntazam olib turish menejerga firmadagi vaziyatni doimo baholash imkonini beradi.