Tasdiqlayman” Buxoro davlat universiteti ilmiy ishlar va innovatsiyalar bo‘yicha prorektori Т. H. Rasulov

Tadqiqotning respublika fan va texnologiyalari rivojlanishining ustuvor yo‘nalishlariga mosligi. Mazkur tadqiqot respublika fan va texnologiyalar rivojlanishining “Axborotlashgan jamiyat va demokratik davlatni ijtimoiy, huquqiy, iqtisodiy, madaniy, ma'naviy-ma'rifiy rivojlantirishda innovasion g‘oyalar tizimini shakllantirish va ularni amalga oshirish yo‘llari” ustuvor yo‘nalishi doirasida bajarilgan.
Tadqiqotning maqsadi: bo‘lajak biologiya o‘qituvchilarining kvaziprofessional faoliyatga tayyorlash metodikasini takomillashtirishdan iborat.
Tadqiqotning vazifalari:
bo‘lajak biologiya o‘qituvchilarini kvaziprofessional faoliyatga tayyorlashning tashkiliy-pedagogik sharoitlari, metodologik aspektlarini zamonaviy yondashuvlar asosida aniqlashtirish;
bo‘lajak biologiya o‘qituvchilarini kvaziprofessional tayyorgarligini takomillashtirish modelini ishlab chiqish;
bo‘lajak biologiya o‘qituvchilarini kvaziprofessional tayyorgarligi darajasining mezonli-diagnostik apparati va diagnostikalashga oid metodik tavsiyalar ishlab chiqish;
“Biologik kimyo va molekulyar biologiya” fani asosida bo‘lajak biologiya o‘qituvchilarining kvaziprofessional faoliyatga tayyorlash mexanizmini ta'lim jarayonida, pedagogik amaliyotda va to‘garaklarda rivojlantirishga doir ilmiy-metodik tavsiyalar ishlab chiqish va samaradorligini aniqlash.
Tadqiqotning ob'ekti sifatida bo‘lajak biologiya o‘qituvchilarini kvaziprofessional tayyorgarligini takomillashtirish jarayoni belgilanib, tajriba-sinov ishlariga Buxoro davlat universiteti, Farg‘ona davlat universiteti va Guliston davlat universitetlari 2-bosqich Biologiya yo‘nalishi talabalari ishtirok etdi.
Tadqiqotning predmeti bo‘lajak biologiya o‘qituvchilarini kvaziprofessional tayyorgarligini takomillashtirish mazmuni, shakl, metod va vositalari tashkil etadi.
Tadqiqotning usullari. Tadqiqotda mavzuga oid psixologik-pedagogik adabiyotlar, elektron ta'lim resurslarini qiyosiy o‘rganish va tahlil qilish, kuzatish, suhbat, tashxislash, anketa, so‘rovnoma, test, pedagogik eksperiment, tajriba-sinov natijalarini matematik va statistik qayta ishlash usullaridan foydalanildi.