Tasdiqlayman” Boshlangʻich ta’lim fakulteti dekani Sh. A. Abdullayeva

Baholash mezonlari
• mazmunning mavzuga mosligi, 1 ball;
• axborotning to‘g‘ri tuzilishi, 3 ball;
• taqdim etilgan ma'lumotlarning mantiqiy bog'lanishining mavjudligi, 3 ball;
• estetik dizayn, uning talablarga muvofiqligi, 2 ball;
• o‘z vaqtida topshirilgan ish, 1 ball.
Maksimal ball: 10.
9-10 ball "5" ballga to‘g'ri keladi
7-8 ball - "4"
5-6 ball - "3"
5 balldan kam - "2"


Tavsiya etilgan adabiyotlar:

1. M.Hamroyev, D.Muhamedova, D.Shodmonqulova, X. G‘ulomova, Sh. Yo‘ldosheva, Ona tili (darslik), MOLIYA- IQTISOD, Toshkent, 2007-yil. 4-13

2. R.Ikromova, D.Muhamedova, M.Hamrayev, Ona tilidan mashqlar to‘plami
(o`quv qo`llanma), TDPU, Toshkent, 2009-yil. 5-24
3. M.Hamroyev. Ona tili (abituriyentlar uchun qoʻllanma). Toshkent: “Sharq” nashriyot-matbaa aksiyadorlik kompaniyasi bosh tahririyati. 2013.
4. M.Hamroyev. Ona tilidan lisoniy tahlil qoliplari. Toshkent: TDPU. 2019.
5.www. tdpu. uz
6.www. pedagog. uz
7.www. Ziyonet. uz


Mustaqil ta’lim
Mavzu raqami №4. (2-MODUL) So`z birikmasi sintaksisi.
Ishning maqsadi 4.1.So`z birikmasi tasnifi
4.2. Gaplarning tasnifi:
1) ifoda maqsadiga ko`ra tasnifi;
2) inkor-tasdiq jihatdan tasnifi
mavzulari bo‘yicha bilimlarni kengaytirish
Hisobot shakli: Mashqlar tahlili yozma shaklda, badiiy adabiyotlardan to`plangan va va kartochkalarga yozish.
Ajratilgan soat:4


Mustaqil ta’lim topshiriqlari: mashqlar tahlili
1-topshiriq O‘qing. Har bir gapda nechta so`z birikma borligini aniqlang va yozing . Har bir birikmani a) bosh so`zning ifodalanishiga ko`ra; b) ergash va bosh so`zning bog`lanishiga ko`ra; d) tuzilishiga ko`ra turlarini ko`rsating.

1. Traktorchilarning ovqatlanishi va dam olishi uchun Anorxonning taklifi bilan kolxoz duradgorlari ko‘chma shiypon yasab bergan edilar. (I. R.) 2. Jo‘ra quyoshning issiq nurlari sochilib turgan mana bu osmonni sevadi, oq oltinlar yetishtirgan mana bu yerni sevadi, laziz mevalar, soya-salqinlar bergan bog‘larni sevadi. (N.Biryukov.) 3. E, o‘rtoq Odinaev, har bir komandir o‘zining jangchilarini o‘z farzandidek yaxshi bilishga, esida saqlab qolishga majbur. (F. Niyoziy.) 4. Navoiy sharafiga tantanali qabul marosimlari o‘tkazildi, ziyofatlar berildi. (L. Bat.) 5. Chol o‘rnidan turib yana gullar orasiga kirib ketdi. (S.Ahm.) 6. Siz qozoq xalqining sevgi, salomin, Do‘stlik haqidagi shirin kalomin, Qardoshlik tuyg‘usin ola keldingiz, Qalbimizga sevinch sola keldingiz. (U.)

2-topshiriq. Tegishli tinish belgisini qo‘yib, gaplarni ko‘chiring, ifoda maqsadiga ko‘ra turini ayting.
1. Men o‘z baxtimni, quvonchimni, boyligimni uzoqda, olis tog‘lardan topib keltirdim (M.Qoriev) 2. – Onang qandoq xotin edi Qandoq xotin edi (S.Ahm.) 3. Bahromov bilan birga chizadigan loyihalaring Bo‘zsuv bo‘ylarini ham xunuk qilib qo‘yadigan bo‘lsa, uni qaytadan obod qilguncha, qancha kuch ketadi, qancha vaqt ketadi (P.Q.) 4. – Vazmin bo‘ling, Shovvoz – Men vazmin bo‘lay – dedi Shovvoz hansirab. (O.Yo.) 5. Bas qiling – dedi Nigora. – Hozir bas qiling yo (O.Yo.) 6. Emaklab u tomon kela boshladi: - Meni kechiring Kechiring (S.Ahm.) 7. Raqiblar o‘rtasidagi masofaning tanobi tortishib, tobora qisqarib borardi (A. Hasan) 8. Undan tashqari, otaxonimizga Samarqandni ko‘rsatmoqchimiz (S.Ahm.) 9. Bekorga halloslab yurgandan ko‘ra, boynikida yashash yaxshiroq emasmi (G‘.G‘.)