“tasdiqlayman ” Bulung’r tuman 2-son kasb-hunar maktabi direktori n mamadiyarova

Mavzu: Soqol olish 

Reja: 

 

1.Ustara haqida ma’lumot 

2.Qaychi haqida ma’lumot 

3. Soqol olish 

Sotsiologlarning hisob-kitoblariga ko‘ra, har kuni tongda oyna oldida soqol olish erkaklar umrining 

o‘rtacha 180 kunini band etar ekan. Mazkur kunlik yumush ko‘pchilik erkaklar uchun yoqimsiz 

mashg‘ulot hisoblansa-da, uning foydali tomonlari ham yo‘q emas. Masalan, soqol olish natijasida 

yuz terisi o‘ziga xos massaj qilinadi. Shuningdek, yuz terisidagi eskirgan, halok bo‘lgan 

hujayralardan tozalanadi. Bu esa terining sog‘lom bo‘lishiga xizmat qiladi. 

Kosmetologlar  17-18  yoshdan  boshlab  muntazam  soqol  olishni  tavsiya  etishadi.  Bu  jarayonda 

tonggi soqol olish to‘g‘ri tarzda amalga oshirilishi lozim. Shunda yuz terisi ham,  tuklar ham zarar 

ko‘rmaydi. 

Soqol olishning ikki xil usuli mavjud – quruq va nam. 

Birinchisi,  elektr  soqol  olish  uskunasi  yordamida  soqol  olish  hisoblanadi.  Bu  usul  odatiy  ustara 

bilan soqol olishdan ko‘ra oddiyroq va xavfsiz bo‘lib, nisbatan kam vaqt oladi ham. Biroq bunday 

vositalarni sotib olishda e’tiborli bo‘lish talab etiladi. Chunki ba’zi soqollarni ustaralari aylanasiga 

harakatlanuvchi elektr ustaralar oson va yaxshi tozalasa, ba’zilarini tishlari to‘g‘ri harakat qiluvchi 

britvalar tozalay oladi. 

Nam  usulda  soqol  olish  esa  yuz  terisini  top-toza  qilib  qirtishlashga  yordam  beradi.  Bu  ayniqsa 

moyli  va  har  xil  toshma,  chandiq  yoki  yara  izlari  ko‘p  bo‘lgan  terilar  uchun  qo‘l  keladi.  Bunda 

ustara har doim o‘tkir bo‘lishi kerak. Shu bois ularni o‘z vaqtida almashtirib turing. 

Tadqiqotchilarning ta’kidlashicha, soqol olish terini kuchli ta’sirlantirmasligi kerak. Buning uchun 

ko‘pgina  zamonaviy  kosmetik  vositalardan  foydalanish  mumkin.  Masalan,  soqol  olish  uchun 

mo‘ljallangan krem, ko‘pik va gellar. 

Krem  soqol  tuklari  follikulalarini  yumshatadi  va  soqol  olish  vaqtida  terining  nam  bo‘lib  turishini 

ta’minlaydi. Agarda teri ta’sirchan bo‘lsa, geldan foydalangan ma’qulroq. Yog‘li yuz terilari uchun 

esa maxsus ko‘piklar qo‘l keladi. 

Agarda  elektr  ustara  bilan  soqol  olsangiz,  kosmetik  vositalarning  moy  yoki  spirt  asosida 

tayyorlangan  bo‘lishiga  e’tibor  qarating.  Yaxshisi,  soqol  olishdan  avval  issiq  kompress  qilgan 

ma’qul.  Buning  uchun  salfetka  yoki  sochiq  ikki  buklanadi  va  issiq  suvga  botirilib,  yengilgina 

---

siqiladi.  Shundan  so‘ng  yuzga  2-3  daqiqa  bosib  turiladi.Kosmetologlar  ta’sirchan  yuzlarga 

moychechak (romashka), kalendula yoki yalpiz o‘tlari damlamasidan foydalanishni tavsiya etishadi. 

Har kuni soqol olish qanchalik og‘ir tuyulsada, uning foydali jihatlari ham yo‘q emas. Avvalo kun 

davomida  soch-soqol  tartibga  olib  yurilsa,  kayfiyatga  ijobiy  ta’sir  ko‘rsatadi,  qolaversa, 

atrofdagilarning sizga bo‘lgan munosabati ham  yaxshi tomonga o‘zgaradi. Shu bilan birga, ushbu 

mashg‘ulot  yuzga  ajin  tushishidan  himoyalaydi.  Soqol  olinayotganda  yuz  terisi  o‘lik  teri 

hujayralaridan xalos bo‘ladi. 

Soqol  olish  massaj  yo‘nalishi  bo‘ylab  amalga  oshirilishi  kerak:  iyakdan  quloq  solinchagiga, 

bo‘yindan  yuqoriga  — iyak va  yanoqlarga.  Biroq bunda oddiy qoidani  yodda tuting:  soqol tuklar 

o‘sgan  tomon  bo‘ylab  olinishi  kerak.  Iyak  va  og‘iz  atrofidagi  tuklar  qattiq  bo‘lgani  sababli  soqol 

olishga mo‘ljallangan vositalar teriga ozroq shimilishi uchun bu yer ular oxirida olinishi maqsadga 

muvofiq. 

Agarda  yuzda husnbuzarlar bo‘lsa, terining bu qismi shikastlanmasligiga diqqat qiling. Aks holda 

yuz  terisi  jarohat  olishi,  bu  yer  turli  infeksiyalardan  zararlanishi  mumkin.  Shuningdek,  ustarani 

biror spirt asosli vosita bilan zararsizlantirib turish ham foydadan holi bo‘lmaydi. 

Soqol  olish  uchun  kosmetik  vositalar  tanlashda  imkon  qadar  kam  spirtli,  turli  hid  taratuvchi 

moddalarsizini tanlagan ma’qul. Soqol olib bo‘lgandan so‘ng E vitamini, moychechak, aloye, yalpiz 

ekstraktlari  mavjud  kremdan  yuzga  yupqa  qilib  surtish  mumkin.  Ular  terining  achishishi, 

ta’sirchanligini kamaytiradi, behosdan kesib olingan joylar bo‘lsa, qon oqishini to‘xtatadi. 

