Tasdiqlangan fan dasturiga muvofiq ishlab chiqildi

5-mavzu. Iqtisodchi-pedagoglarni tayyorlashning pedagogik- 
psixologik asoslari 
Shaxsning individual psixologik xususiyatlari: kasb tanlashda xarakter, 
temperament va kasbiy qobiliyatlarning ahamiyati. Kasbiy qobiliyatning asosiy turlari. 
Shaxs va uning individual-psixologik xususiyatlari tushunchasiga kiruvchi sifatlar: 
temperament, xarakter va qobiliyatlar – shaxsning individual psixologik hamda 
individual tipologik xususiyatlarining tavsifi ekanligi. Individual va guruh sharoitida 
shaxsni professional kasbga yoʻnaltirishning oʻziga xos afzalliklari va qiyinchiliklari. 
Auditoriya – oʻziga xos ijtimoiy guruh ekanligi: tinglovchilarning tiplari. Auditoriya 
bilan ishlashning ijtimoiy psixologik shartlari. Ijtimoiy psixologiyada faol oʻqitish 
metodlari va uni kasbiy tayyorgarlik jarayonlarida qoʻllash imkoniyatlari. Iqtisodchi-
pedagogi uchun temperamentni boshqarishning ahamiyati. Xarakter – shaxsning 
orttirilgan xususiyatlari majmui ekanligi, uni shakllantiruvchi ijtimoiy omillar, 
professional jihatdan oʻzini oʻzi namoyon etish va rivojlantirish jarayonida xarakterni 
boshqarish va fe’l-atvorni oʻzgartirish muammosi. Professional qobiliyatlarning shaxs 
tugʻma layoqati hamda ta’lim-tarbiya jarayonining mazmuniga bogʻliqligi. Kasbiy 
qobiliyatning bilim, malaka hamda koʻnikmalar orttirish jarayonlari bilan bogʻliqligi. 
Kasbiy qobiliyatning asosiy turlari: qiziquvchanlik, bilish hamda tushuntira olish 
qobiliyatlarini professional faoliyatda namoyon boʻlish shartlari. Kasbiy qobiliyatlarni 
oʻstirishda pedagog shaxsining roli.
6-mavzu. Kasbiy psixologiyada kasblar klassifikatsiyasi 
Shaxs sifatlarining kasb talab qilgan sifatlarga mutanosibligi muammosi. Kasbiy 
saralash va professional tarbiyada qoʻllaniladigan psixologik yondashuv va tekshiruvlar. 
Professiogramma, psixogramma, karerogrammaning kasbiy saralash va professional 
tanlovdagi roli. Kasb formulasi. Professiogramma – u yoki bu kasbga qoʻyiladigan 
talablardan kelib chiquvchi shaxsga xos bilim, malaka va koʻnikmalarning 
uygʻunlashgan 
yigʻindisi 
ekanligi; 
psixogramma 
– faoliyatning psixologik 
xarakteristikalari tasnifi boʻlib, mazmunan kasb egasi boʻlmish shaxsdan talab 
qilinadigan xususiyatlarni ifodalovchi xususiyatlar ekanligi; karerogramma – bu 
mutaxassisni muqim bir ishda va joyda samarali natijaga erishishida bosib oʻtadigan 
yoʻli uchun zarur boʻladigan bilim hamda malakalar toʻgʻrisidagi tasavvurlari 
jamlanmasi (tuzilishi) ekanligi. Psixologik adabiyotlarda trudogramma tushunchasiga 
berilgan ta’riflar. Kasb formulasi: Ye. Klimov tomonidan ta’rif berilgan kasblarning toʻrt 
xil darajasi va besh xil toifasi: inson-tabiat, inson-texnika, inson-inson, inson-belgilar 
tizimi, inson-badiiy obraz va b.q. Professiografiya va konkret kasb formulasi.