Tasdiqlangan fan dasturiga muvofiq ishlab chiqildi

 
12-MAVZU. KASBIY PSIXOLOGIYADA IJTIMOIY PSIXOLOGIK 
TRENINGLAR. 
 
REJA: 
1.
 
Ijtimoiy psixologik treninglar, ularning maqsadi va vazifalari. 
2.
 
Trening qonunlari va ularni kasbiy psihologiyada qo’llash. 
3.
 
Ijtimoiy psixologik treninglarni tashkil etishdagi muhim jihatlar
.
 
 
Tayanch so’z va iboralar: 
ijtimoiy psixologik treninglar, pedagogik 
muomala, pedagogik kommunikatsiya, faollik tamoyili, ijodiylik tamoyili, 
psixogimnastika, konfidensiallik, intervyu usuli, video(audio) tasma usuli, 
kartochkalar usuli.
 
Davlat va jamiyat tomonidan yoshlarning, ta’lim muassasalari mutaxassislari 
hamda ota-onalarning oldiga qo‘yilayotgan vazifalar bevosita psixologiya sohasida 
yaratilayotgan turli psixodiagnostik metodlar: trening, diagnostika, psixoterapevtik 
suhbatlar, intervyu, anketa usuli, test usuli yordamida amalga oshiriladi. 
Psixologiya sohasi keyingi yillar mobaynida anchagina rivojlandi. 
SHuningdek, psixologiya sohasining alohida yo‘nalishlari sifatida trening tarmog‘i 
ham rivojlanib bormoqda va shaxs tarbiyasi bilan shug`ullanish uni kelgusidagi 
murakkab va xilma-xil muloqot jarayonlariga psixologik tayyorlaydi.
Bunday tayyorgarlik, barcha soha mutaxassislari uchun muhim, chunki ular 
o`z kasblari tufayli turli muloqot vaziyatlariga duch keladilar va har bir vaziyatda 
ulardan nihoyatda o`tkir didlilik, odob va kishilar psixologiyasini bilgan holda ularni 
to’g’ri tushunish malakasi talab qilinadi. Ijtimoiy psixologiyaning bu borada noyob 
usuli bor, u ham bo`lsa, 
ijtimoiy psixologik treningdir.
1.
 
Ijtimoiy psixologik 
treninglar, ularning maqsadi 
va vazifalari. 

---

224 
Bugungi kunda hamma uchun umumiy qabul qilingan “trening” tushunchasi 
yo‘q, shuning uchun bo‘lsa kerak, psixologik amaliyotda uning ma’nosini 
bildiruvchi ko‘plab metod, shakl va uni anglatib beruvchi manba hamda vositalar 
kabi tushunchalar kelib chiqadi. 
96-rasm