Tasdiqlangan” “ ” 2021-yil M. T. Bo’ranov Samarqand viloyati Qo’shrabot tumani

Maktabning yangi o’quv yilidagi shiori:


Ta’limiy: “Ta’limda islohot: O’zgarishni o’zimizdan boshlaylik”.
Tarbiyaviy: “Tarbiya biz uchun yo hayot-yo mamot, yo najot-yo halokat, yo saodat- yo falokat masalasidir”.


I-qism: 2021-2022 o’quv yilida amalga oshirilgan ishlar va yangi o’quv yilining maqsad va vazifalari
2020-2021 o’quv yilida maktabimizda pedagoglar jamoasi tomonidan O`zbekiston Respublikasining “Ta'lim to’g’risida” gi va “Kadrlar tayyorlash milliy dasturi to’g’risida” gi qonunlari, O`zbekiston Respublikasi Prezidentining 2012 yil 10-dekabrdagi “Chet tillarni o’rganish tizimini yanada takomillashtirish chora tadbirlari to’g’risida” gi 1875 PQ- son qarori, 2013 yil 8-maydagi “Uzluksiz ta'lim tizimining chet tillar bo`yicha davlat ta'lim standartlarini tasdiqlash to’g’risida” gi 124-son, 2017-yil 15-martdagi “Umumiy o’rta ta’lim to’g’risidagi nizomni tastiqlash haqida”gi 140-son, 2017-yil 6-apreldagi “Umumiy o’rta va o’rta maxsus, kasb-hunar tal’imining davlat ta’lim standartlarini tasdiqlash to’g’risida”gi 187-son qarorlarini bajarish bo’yicha muayyan ishlar amalga oshirildi.
Asosiy e’tibor yosh avlodni yetuk, barkamol shaxs qilib tarbiyalash hamda ta’lim tarbiya mazmunini yanada takomillashtirib borishga qaratildi.
Shuningdek, yoshlarga jahon ta’limi andozalariga mos bilim berish, ularni milliy, umuminsoniy qadriyatlarga, o’z vataniga sadoqat va muhabbat ruhida tarbiyalash masalalariga kata ahamiyat berildi.
O’tgan o’quv yilida maktabimiz o’quvchilari tuman miqyosida o’tkazilgan “Fan olimpiadalari” da ishtirok etdilar. O’quvchilarimiz barcha ishtirok etishi lozim bo’lgan fanlardan qatnashganligi quvonarli holdir. Bu albatta yomon ko’rsatkich emas. 2021 – 2022- o’quv yilida 9– sinfni bitirgan 9 nafar o’quvchilarning 7 nafari yangi o’quv yilida 10-sinfda o’qish istagini bildirgan bo’lsa, 2 nafari Kasb-hunar maktabiga hujjat topshirdilar 11-sinfni tugatgan 12 nafar o’quvchilardan 2 nafari xorijiy oliy ta’lim muassasasiga va talaba bo’lish huquqini qo’lga kiritdilar. O’qituvchilar o’rtasida o’tkazilayotgan “Eng yaxshi fan o’qituvchisi” ko’rik – tanlovida maktabning 3 nafar o’qituvchisi tumanda o’tkazilgan ko’rik – tanlovda ishtirok etishdi, lekin g’oliblikni qo’lga kirita olmadi.
O’tgan o’quv yilida maktabimizda o’quv – tarbiya jarayonini yanada takomillashtirish borasida bir qator kamchiliklarga yo’l qo’yildi. Iqtidorli bolalarni tanlash va ular bilan ishlashga yetarli e’tibor berilmadi. Ayrim fanlarni chuqurlashtirib o’qitish borasidagi ishlarga ham kam e’tibor qaratildi. Bunga sabab o’qituvchilarimizning fan olimpiadasida ishtirok etuvchi o’quvchilar bilan etarlicha shug’ullanmaganligi sababli past ko’rsatkich oldi. Vaholanki maktabimiz o’quvchilari orasida tumanda yuqori natija ko’rsatib, viloyat bosqichida ishtirok eta oladigan o’quvchilarimiz yetarli. Biroq nimagadir o’qituvchilarimiz buni o’zlaricha ortiqcha tashvish deb hisoblaydilar va o’quvchilarni tayyorlashga mas’uliyat bilan yondoshmaydilar.
Endi hurmatli o’qituvchilar, bu masalaga jiddiyroq mas’uliyat bilan yondoshadigan payt keldi. Bu boradagi ishimizda yangi 2021 – 2022 o’quv yilida keskin burulish yasamasak bo’lmaydi. Bugun shuni alohida ta’kidlamoqchi edimki maktabimizda o’quvchilarning bilim darajasi, sifati ancha pasayib ketgan, o’tgan o’quv yilida o’quvchilar tomonidan darslarni sababsiz qoldirish, mashg’ulotlarga kechikib kelish holatlari va pandemiya sabab maktabda darslar an’anaviy va masofadan o’qiganliklari sababli afsuski shunday holat kuzatilmoqda.
O’qituvchilar tomonidan o’quvchilar bilimini oshirib baholash hollari ham mavjud. Bo’sh o’zlashtiruvchi o’quvchilar hamda ularning ota – onalari bilan hamkorlikda olib borilayotgan ishlar talab darajasida deb bo’lmaydi.
Yangi o’quv yilida sifat va samaradorlikka jiddiy e’tibor qaratib, o’quvchilar davomatida tubdan burilish yasash va yuqoridagi kamchiliklarni bartaraf etish uchun maktab pedagogik jamoasi uyg’onishi, o’z bilim saviyasini muntazam oshirish borasida o’qib, o’rganishi, yangi o’quv yilidagi vazifalarni amaliyotga joriy qilishga jiddiy e’tibor qaratishlari kerak bo’ladi. Shuningdek karantin qoidalariga amal qilgan holda ochiq na’munali darslar tashkil qilish, o’zaro dars kuzatishni tartibga solish va uslubiy birlashma ishlarini jonlantirish va ta’sirchanligini oshirish dolzarb vazifalarimizdan biridir.