Tasdiqlandi” O‘quv ishlari bo’yicha prorektor V v. b

Yoshlarni oilaviy hayotga tayyorlash.
Butun dunyoda oila instituti inqirozining salbiy ko‘rinishlari, nikohlarning barqaror emasligi, oilaviy ajrimlar sonining ortishi, nikohsiz bolalar tug‘ilishining ko‘payishi, farzand tarbiyasiga e’tiborsizlik hamda keksalarga nisbatan bepisand munosabatda bo‘lish avj olmoqda. Bunday vaziyatda bu kabi noxush holatlarning oldini olish borasida zaruriy chora tadbirlarni ko‘rish muhimdir. Shuning uchun ham oila institutini mustahkamlash va yanada rivojlantirish, “Oilamuqaddas”, “Sog‘lom oila – sog‘lom jamiyat”, “Oila – jamiyat va davlat himoyasida”, “Farovon oila – jamiyat ravnaqining asosi” konseptual g‘oyalarini nikohlanuvchilarning ongiga singdirish va tatbiq etish davlatlatimiz siyosatining ustuvor yo‘nalishlaridan biri bo‘lib kelmoqda. Zero, davlatimiz rahbari Sh. Mirziyoev tomonidan ilgari surilgan 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida ham oila salomatligini mustahkamlash, kam ta’minlangan oilalar sonini kamaytirish, jamiyatda oila asoslarini yanada mustahkamlash, shuningdek, yosh oilalar uchun munosib uyjoy va ijtimoiy maishiy sharoitlarni yaratish kabi vazifalar belgilab berilgan1. Buning uchun jamiyat va oilada sog‘lom hamda barqaror ijtimoiyma’naviy muhit hamda tinchlik, totuvlik va osoyishtalikni ta’minlashning tashkiliy huquqiy mexanizmlarini tubdan isloh qilish, notinch va muammoli oilalarga manzilli ko‘maklashishni tashkil etish, xotinqizlar va erkaklar uchun teng huquq hamda imkoniyatlar kafolatlarini ta’minlash kabi qator ustuvor vazifalar dolzarb ahamiyat kasb etmoqda.
Mazkur vazifalar qatorida, avvalo, huquqiy asoslar va normativ huquqiy bazani takomillashtirib borish muhimdir. So‘nggi 2 yil ichida oila institutini mustahkamlash, ayollar, va yoshlarga oid muammolarni eng quyi pog‘onada, ya’ni mahalladan boshlab manzilli aniqlash hamda hal etish nuqtai nazaridan bir qator Prezident va hukumat qarorlari e’lon qilinib hayotga joriy etilmoqda. Jumladan, O‘zbekiston Respublikasi Prezidentining 2020 yil 18 fevraldagi “Jamiyatda ijtimoiyma’naviy muhitni sog‘lomlashtirish, mahalla institutini yanada qo‘llabquvvatlash hamda oila va xotinqizlar bilan ishlash tizimini yangi darajaga olib chiqish choratadbirlari to‘g‘risida”gi PF-5938sonli Farmoni, “Obod va xavfsiz mahalla” tamoyiliga asoslangan tizimni samarali joriy etish yuzasidan tasdiqlangan Yo‘l xaritasi, O‘zbekiston Respublikasi Vazirlar Mahkamasining 2020 yil 15 apreldagi “O‘zbekiston Respublikasi mahalla va oilani qo‘llabquvvatlash vazirligi faoliyatini tartibga solish sohasidagi normativhuquqiy hujjatlarni tasdiqlash to‘g‘risida”gi 228sonli, 2020 yil 10 iyundagi “O‘zbekiston Respublikasi Mahalla va oilani qo‘llabquvvatlash vazirligi huzuridagi “Mahalla va oila” ilmiytadqiqot instituti faoliyatini tashkil etish to‘g‘risida”gi 367sonli qarorlar shular jumlasidandir.