Тасдиқлайман: Олмалиқ кмк аж цемент заводи бош муҳандиси Г. Г. Тегай

Жавоб 76: Наряд-ижозатни ёпиш иш бажарувчи ва ишга ижозат берувчининг имзолари билан
расмийлаштирилади. Ишга ижозат берувчи наряд-ижозат корешогида иш бажарувчидан олинган вақти тўғрисида белги қўйиб уни сақланишини таъминлайди. Ишга ижозат берувчи йўқ бўлганда, наряд-ижозат иш бажарувчи ва цех( участка) бошлиғи, бош уста томонидан ёпилади ва имзоланади. (“Юқори хавфли ишларга наряд-ижозат қўллаш тўғрисидаги Низом”нинг 41-банди)
Савол 77: Қандай ҳолларда навбатдан ташқари (режадан ташқари) йўриқлар ўтказилади? (Олмалиқ КМК АЖнинг ходимларни ўқитиш ва билимлар синовини ташкиллаштириш тўғрисидаги Низомнинг
10-бандининг в) кичик банди)
Жавоб 77: Навбатдан ташқари (режадан ташқари) йўриқлар қуйидаги ҳолларда ўтказилади:

• 
  янги ва қайта ишланган стандартлар, қоидалар, йўриқномалар муомалага киритилганда ҳамда уларга ўзгартиришлар киритилганда;
  
• 
  технологик жараён ўзгарганда, меҳнат хавфсизлигига таъсир этувчи жиҳозлар, мосламалар, асбоблар, дастлабки хом-ашё, материаллар ва бошқа омиллар алмаштирилганда ёки такомиллаштирилганда;
  
• 
  ишлаётганлар ва колледжлар ҳамда олий ўқув юртлари талабалари томонидан (ишлаб чиқариш амалиёти ўтаётган даврда) жароҳат олишга, ҳалокатга, портлашга, ёнғинга ёки заҳарланишга олиб келган ёки олиб келиши мумкин бўлган, меҳнат муҳофазасига оид талабларни бузилишига олиб келувчи қоидабузилишларга йўл қўйилиши;
  
• 
  назорат органлари талабларига асосан (“Саноатгеоконтехназорат” ДИ, Энергоназорат, Меҳнат ва аҳолини ижтимоий ҳимоялаш Вазирлиги ва ҳ.к.);
  
• 
  ишда 30 календар кунидан ортиқ узилишлар бўлса. (Олмалиқ КМК АЖнинг ходимларни ўқитиш ва билимлар синовини ташкиллаштириш тўғрисидаги Низомнинг 10-бандининг в) кичик банди)
  

Савол 78: Фаолият юритаётган корхоналарда кимлар наряд-ижозат бериш ҳуқуқига эга? (“Юқори хавфли ишларга наряд-ижозат қўллаш тўғрисидаги Низом”нинг 13-банди)
Жавоб 78: Наряд-ижозат бериш ҳуқуқига эга муҳандис-техник ходимлар рўйхати завод бош муҳандиси томонидан тасдиқланади.
Ташкилотларда ушбу Рўйхатга бошқарувида (қўл остида) бино ва иншоотлар, жиҳозлар бўлган ҳамда марказлаштирилган таъмир ва хизмат кўрсатиш тизими орқали техник таъминот хизмати муҳандис-техник ходимлар лавозимлари киргизилади. (“Юқори хавфли ишларга наряд-ижозат қўллаш тўғрисидаги Низом”нинг 13-банди)