Тасдиқлайман: Олмалиқ кмк аж цемент заводи бош муҳандиси Г. Г. Тегай

Савол 79: Уч поғонали назоратнинг биринчи поғонаси ким томонидан, қандай муддатда ўтказилади ва назорат мобайнида нималар аниқланади? (ОКМК АЖда“ Меҳнат муҳофазаси бўйича ишларни ташкиллаштириш тўғрисидаги Низом”нинг 521-банди)
Жавоб 79: Назоратнинг 1 поғонасида участка бошлиғи (уста, участка бошлиғи, смена бошлиғи) ва меҳнат мухофазаси вакили томонидан хар куни, иш куни бошланишда, керак бўлганда (ўта хавфли ишлар ва бошқалар), иш куни (сменаси) давомида олиб борилади. Уч поғонали назоратнинг 1 – поғонасида қуйидагиларни текшириш тавсия қилинади:
- аввалги текширув натижалари бўйича аниқланган камчиликларни бартараф қилиниши
юзасидан тузилган тадбир ва унинг бажарилиши;
- иш жойини тўғри ташкил қилинганлиги ва ҳолати (керакли асбоб, инструментлар, мосламалар, материаллар) ва бошқаларнинг борлиги ва жойлашуви;
- ўтиш йўлларини ҳолати;
- технологик қурилмалар, юк кўтариш механизмлари ва транспорт воситаларининг хавфсизлиги;
- электр қурилмалари ва электроинструметнлар билан ишлаганда электр хавфсизлиги бўйича амалдаги қоидалар талабларига ишчилар томонидан амал қилиниши;
- ярим тайёр ва тайёр маҳсулотлар (материаллар)ни тахлаш ва сақлаш қоидалари талабларига амал қилиниши;
- ҳаво берувчи ва сўрувчи вентиляция тизими, газ ва чанг тутувчи ускуналарнинг созлиги;
- зарарли, ёниш – портлаш бўлган нарса ва материаллар билан ишлашда хавфсизлик қоидалари талабларига амал қилиниши;
- шахсий ҳимоя воситаларининг борлиги ва ишчилар томонидан уларни тўғри ишлатилиши;
- ишчиларнинг хавфсизлик техникаси буйича гувоҳномалари, ўта хавфли ишларни бажариш учун наряд – ижозати борлиги.
Текширув натижалари назоратнинг 1 – поғонаси учун журналга ёзилади. Ушбу журнал участка бошлиғида сақланади. (ОКМК АЖда “Меҳнат муҳофазаси бўйича ишларни ташкиллаштириш тўғрисидаги Низом”)
Савол 80: Иш жойидаги йўриқлар қандай тартибда ўтказилиши лозим (бирламчи, даврий)? (ОКМК АЖда ходимларни ўқитиш ва билимлар синовини ташкиллаштириш тўғрисидаги Низомнинг 9-банди).
Жавоб 80: Бевосита иш жойидаги йўриқлар цех бошлиқлари томонидан меҳнат муҳофазаси, ишни хавфсиз юритиш бўйича йўриқномалар ва қоидалар асосида ишлаб чиқилган ҳамда корхона бош муҳандиси тасдиқлаган дастурлар бўйича ўтказилади. Бундай йўриқномалар ва уларнинг рўйхати корхона касаба уюшма қўмитаси билан келишилиб бош муҳандис томонидан тасдиқланади.
Иш жойидаги йўриқларнинг ўтказиш тематикаси ва дастурлари ҳамма касблар учун ишлаб чиқилади.
Иш жойидаги йўриқлар оғзаки сўровлар ёки техник ўқитиш қурилмалари ёрдамида билимлар синови ҳамда ишни хавфсиз юритиш бўйича олган кўникмаларини текшириш билан тугалланади.
Йўриқларнинг ўзлаштирилишини йўриқлар ўтказган ходим текширади. Йўриқларнинг ўтказилиши №2 хавфсизлик техникаси бўйича иш жойида йўриқлар ўтказиш журналида расмийлаштирилади. (ОКМК АЖда ходимларни ўқитиш ва билимлар синовини ташкиллаштириш тўғрисидаги Низомнинг 9-банди).